Oppo Reno 13 kamerasi nisbatan yaxshiligi tufayli blogerlar o‘rtasida qiziqishga sabab bo‘ldi. Aslida bu smartfon blogerlar uchunmi? Kursiv Uzbekistan Palach nashriga tayanib, ma’lumotlarni tayyorladi.
Oppo Reno 13 bozorda shov-shuvli yangilik bo‘lmasa-da, u e’tiborga loyiq o‘ziga xos jihatlarga ega. Qurilmaning 7,2 mm qalinlikdagi yupqa korpusi IP69 himoya standarti bilan ajralib turadi. U bosim ostidagi suvga ham bardosh bera oladi. Bu darajadagi himoya ko‘pincha faqat maxsus «zaharli» smartfonlarda uchraydi.
Reno 13’ning old paneli 120 Gs yangilanish chastotali 6,6 dyuymli AMOLED-ekran bilan jihozlangan. Ayniqsa, e’tiborga molik jihati 50 MP old kamera: avtofokusli va 4K 60fps video yozish imkoniyatiga ega. Vlogerlar uchun mos yechim bo‘lishi mumkin.
Smartfon MediaTek Dimensity 8350 protsessorida ishlaydi. (Poco X6 Pro’dagi Dimensity 8300 Ultra bazasida) 12/512 GB xotira bilan ta’minlangan. 5600 mA/soat sig‘imli batareya 80 Vt tezkor quvvatlashni qo‘llab-quvvatlaydi. Bu esa 50 daqiqada to‘liq zaryadlash imkonini beradi.
Biroq qurilmaning orqa kamerasi jihatdan imkoniyatlari kamroq: 50 MP asosiy obyektiv o‘rtacha suratga oladi, 8 MP ultra kenglikdagi modul esa yetarlicha aniqlikni taqdim etmaydi, teleobyektiv esa umuman mavjud emas.
Umuman olganda, Oppo Reno 13 texnik tafsilotlari va himoya darajasi bilan ajralib tursa-da, kuchli kamera tizimi izlayotgan foydalanuvchilar uchun emas. Ammo estetik, qulay va mustahkam smartfon izlayotganlar uchun bu model qiziqarli tanlov bo‘lishi mumkin.
Avvalroq Kursiv Uzbekistan OPPO Reno14 seriyali mobil telefonlari rasman e’lon qilingani haqida xabar bergan edi.
