Andijonda 1-iyundan suv narxi oshadi

Andijon viloyatida ichimlik va oqova suv xizmatlari bo‘yicha yangi tariflar tasdiqlandi. Ushbu qaror xalq deputatlari viloyat Kengashining 14-maydagi qarorida ma’lum qilindi.

Yangi tariflarga ko‘ra, 1-iyundan boshlab ichimlik suvi narxi bir kubometr uchun quyidagicha bo‘ladi:

• aholi uchun – 1650 so‘m (2023-yilda 1500 so‘m etib belgilangandi);
• budjet tashkilotlari uchun – 2640 so‘m (2400 so‘m);
• ulgurji iste’molchilar uchun – 4180 so‘m (3800 so‘m).

Oqova suvi xizmati uchun:

• aholiga – 1650 so‘m (1000 so‘m);
• budjet tashkilotlari – 2640 so‘m (2400 so‘m);
• ulgurji iste’molchilarga – 3520 so‘m (3200 so‘m).

Mazkur tariflar qo‘shilgan qiymat solig‘isiz (QQS) hisoblangan.

Avvalroq Kursiv Uzbekistan Qoraqalpog‘iston, Xorazm va Toshkent viloyatlarida ichimlik suvi narxlari oshishi haqida yozgandi.