John Cooper Works (JCW) modeli 255 ot kuchiga ega bo‘lib, 0 dan 100 km/soat tezlikka 5,9 soniyada chiqadi. Bu haqda Speedme nashri xabar berdi.
WLTP standartiga ko‘ra, bir quvvat bilan 230 km masofani bosib o‘tadi. Yangi model benzinli versiyadan 320 kg og‘irroq bo‘lsa-da, tezkorligi, shovqinli va qiziqarli xarakteri saqlanib qolgan.
Avtomobil yaxshilangan boshqaruv tizimi bilan jihozlangan. Biroq og‘irligi sababli u biroz qattiq va unchalik aniqlik bilan boshqarilmaydigandek tuyuladi. Elektr motorining javobi esa oldindan taxmin qilinadigan va chiziqli. Sintezizatsiya qilingan ovoz va Boost rejimi (10 soniyaga 27 ot kuchi qo‘shadi) bilan ishlangan. Faqat batareya quvvati cheklangan.
Salonida katta OLED displey, Mini’ga xos dizayn va foydali funksiyalar mavjud. Biroq ayrim kamchiliklar ham bor: suspenziyaning qattiqligi, faol haydashda yurish masofasining qisqaligi hamda Apple CarPlay funksiyasining yetarlicha moslashtirilmagani.
Avvalroq Kursiv Uzbekistan granatadan himoya qila oladigan zirhli Cadillac Escalade yangi funksiyalar bilan taqdim etilgani haqida yozgandi.
