Italiya bosh vaziri Jorja Meloni Samarqandda – foto

Italiya bosh vaziri Jorja Meloni rasmiy tashrif bilan O‘zbekistonga tashrif buyurib, Shavkat Mirziyoyev hamrohligida Samarqanddagi Registon maydonini ziyorat qildi. Bu haqda davlat rahbari matbuot xizmati ma’lum qildi.

Unga ko‘ra, YUNESKO ro‘yxatiga kiritilgan ushbu tarixiy maskan mehmonlarda katta taassurot qoldirdi. Oliy martabali mehmon Registon majmuasining tarixi, me’morchiligi va bezaklari haqida batafsil ma’lumot oldi.

So‘ngra davlat rahbarlari «Silk Road Samarkand» majmuasidagi «Boqiy shahar» bog‘iga tashrif buyurib, milliy madaniyat va san’at namunalari bilan tanishdilar. Tashrif davomida madaniy dasturlar ham taqdim etildi.

Eslatib o‘tamiz, avvalroq Mirziyoyev mamlakatimizda tashrif bilan bo‘lib turgan BMT Bolalar jamg‘armasi (YUNISEF) ijrochi direktori Ketrin Rasselni qabul qilgan edi.