Yangi Vivo S30 Pro mini smartfoni Xitoyda taqdim etildi. Bu haqda Bu haqda ITHome texnologiyalar nashri xabar bermoqda.
Smartfonni ixcham deb tasniflash mumkin – ekran diagonali 6,31 dyuym – Xiaomi 15’dan biroz kichikroq. Lekin u Samsung Galaxy S25’dan kattaroq. Qurilma bitta chipli MediaTek Dimensity 9300+ platformasida qurilgan.
Ekran o‘lchamlari 2640×1216 piksel, eng yuqori yorqinligi 5000 cd/m2, kadr tezligi 120 Gsni tashkil qiladi. Old kamerada 50 megapikselli Samsung S5KJN1 sensori, asosiy kamerada 50 megapikselli Sony IMX921 va LYT-600 datchiklari, shuningdek, ultra keng burchakli linzali 8 megapikselli OmniVision OV08D10 moduli mavjud.
Akkumulyator sig‘imi 6500 mA/soat, maksimal zaryadlash quvvati 90 Vt. Smartfon IP68 va IP69 standartlari bo‘yicha himoyalangan. Qalinligi 7,99 mm, og‘irligi 186 gramm. Boshqa funksiyalar orasida NFC chipi, IR-emitter, stereo dinamiklar, Wi-Fi 7 va Bluetooth 5.4 mavjud.
Modelning 12/256 GB versiyasi $415, 12/512 GB variantini esa $460 ga xarid qilish mumkin.
Eslatib o‘tamiz, Kursiv Uzbekistan nashri Vivo X200 Ultra nihoyat global sotuvga chiqqani haqida yozgan edi.
