Leapmotor 6-iyun kuni yangi modelni taqdim etadi – bu C16’ning 5 o‘rinli versiyasi bo‘lishi mumkin. Bu CarNewsChina nashri xabar bermoqda.
Kompaniyaning yangi modeli C16 krossoverining 5 o‘rinli bo‘lishi kutilmoqda. Hozirda mavjud bo‘lgan C16’da 2+2+2 tartibidagi 6 o‘rinli konfiguratsiya mavjud.
Yangi versiya ichki makon dizayni yangilangan bo‘lib, kengroq salon va yuqori qulaylikni taklif etadi. Bu orqali yo‘lovchilar uchun yanada yaxshilangan yurish tajribasi yaratiladi.
Tashqi ko‘rinishda model Leapmotor C10’ga o‘xshashi kutilmoqda. Mashina to‘liq chiziqli old chiroqlar, yashirin eshik tutqichlari va olti xil kuzov rangi bilan jihozlanadi.
Salon texnologiyalariga 14,6 dyuymli markaziy sensorli ekran, 10,25 dyuymli raqamli asboblar paneli va ikki spokli, tekis pastki qismli rul kiradi. Amaldagi C16 modelida 15,6 dyuymli orqa tom ekran va 21 ta karnaydan iborat Dolby Atmos 7.1.4 audio tizimi mavjud.
Yangi model Leapmotor OS aqlli tizimi bilan jihozlanadi. U Qualcomm Snapdragon 8295 chipi asosida ishlaydi, 5G ulanish, OTA yangilanishlar va masofadan boshqarish imkoniyatlarini qo‘llab-quvvatlaydi.
Intellektual haydash bo‘yicha, avtomobil nVidia Orin-X chipiga ega bo‘ladi. Bu chip 254 TOPS (Tera Operations Per Second) ishlov berish quvvatiga ega bo‘lib, 30 ta turli haydovchi yordamchi sensorlarini boshqaradi.
Shuningdek, avtomobil avtomatik yo‘l o‘zgartirish, avtomatik to‘xtash va avtomagistralda navigatsiya kabi funksiyalarni bajara oladi.
Modelning to‘liq elektr va kengaytirilgan harakat doirasiga ega (EREV) versiyalari bozor talablariga mos ravishda taqdim etiladi.
Eslatib o‘tamiz, Kursiv Uzbekistan nashri Leapmotor asoschisi Chju Syanmin o‘lim haqidagi mish-mishlarni rad etgani haqida yozgan edi.
