10-iyun kuni «Bunyodkor» stadionida Oʻzbekiston milliy terma jamoasi Jahon chempionati saralash bosqichining soʻnggi uchrashuvida Qatarga qarshi maydonga tushadi. O‘FA muxlislarni o‘yinni tomosha qilish uchun ertaroq kelishga chaqirdi. O‘yin 18:45 da boshlanadi.
Mazkur bahs oldidan terma jamoaning JCh-2026 yoʻllanmasini qoʻlga kiritgani munosabati bilan bayram tadbiri tashkil etiladi. Shu sababli uchrashuvga chipta olgan barcha muxlislar stadionga imkon qadar ertaroq kelib, oʻz joylarini egallashi kerak.
Stadion eshiklari uchrashuv boshlanishidan 3 soat oldin soat 15:45 dan ochiladi.
Avvalroq «Kursiv» O‘zbekiston – Qatar o‘yini chiptasi OLX’da paydo bo‘lgani haqida yozgandi.
