O‘zbekistonlik ayollar Hindistonda 13 million dollarlik shartnomalarni tuzdi
eʼlon qilindi
7 ta shartnoma
O‘zbekistonlik ayol tadbirkorlar delegatsiyasi Hindistonga xizmat safari chog‘ida jami qiymati $13 minglik yettita shartnomani tuzdi. Bu haqda Savdo-sanoat vazirligi xabar berdi.
Tashrif doirasida Hindiston va Markaziy Osiyodan kelgan 200 dan ortiq ishbilarmon ayollar muzokaralar o‘tkazdi. Natijada quyidagi yirik shartnomalar imzolandi:
- «MaxFarm» MChJ rahbari Gokal International klinikasi bilan tibbiyot mahsulotlari importi bo‘yicha $3 mlnlik shartnoma tuzdi.
- «Life Medium» MChJ rahbari tibbiyot, huquq va logistika yo‘nalishidagi to‘qqizta kompaniya bilan $1 mlnlik kelishuvlarga erishdi.
- «Nurtex» MChJ rahbari maxsus tibbiy kiyimlar eksporti bo‘yicha $2,5 mlnlik shartnoma imzoladi.
Foto: Savdo-sanoat vazirligi
- «Cashgenics» MChJ rahbari sakkizta xorijiy kompaniya bilan ishlab chiqarishni kengaytirish bo‘yicha $3,5 mlnlik kelishuvlar tuzdi.
- LaSposa to‘y liboslari saloni rahbari Vasha Varma kompaniyasi bilan mato importi bo‘yicha $1 mlnlik shartnomaga erishdi.
- MPA International agentligi rahbari ta’lim sohasida uchta tashkilot bilan hamkorlik kelishuvi tuzdi.
- «Artatex» MChJ rahbari Agrogiam kompaniyasi bilan to‘qimachilik yo‘nalishida $2 mlnlik kelishuvni amalga oshirdi.
Avvalroq «Kursiv» o‘zbekistonliklar Hindistonga yagona chipta bilan bora olishi haqida yozgandi.
