Yangiliklar

Surxondaryoda 900 milliard so‘mlik «Sangardak» turistik markazi qurilmoqda

Loyiha 615 gektar maydonni qamrab olgan
Foto: Surxondaryo viloyati hokimligi

Surxondaryo viloyatida turizm salohiyatini oshirish maqsadida umumiy qiymati 913,3 mlrd so‘m bo‘lgan «Sangardak» turistik markazi barpo etilmoqda. Bu haqda viloyat matbuot xizmati xabar qildi.

Foto: Surxondaryo viloyati hokimligi

Loyiha 615 gektar maydonni qamrab olib, unda 21 ta restoran, kafe va barlar, 296 ta savdo nuqtasi, 4 ta 3 yulduzli va 2 ta 5 yulduzli mehmonxonalar, 10 ta mehmon uylari, sanatoriy va madaniy hordiq maskani hamda 1,6 km dor yo‘li, zip-line va piknik hududlari tashkil etiladi.

Foto: Surxondaryo viloyati hokimligi

Dor yo‘lining boshlanish nuqtasi va tirgaklarni betonlash ishlari allaqachon yakunlangan.

Avvalroq Kursiv Uzbekistan Denovda 980 milliard so‘mlik «Denov Siti» loyihasiga start berilgani haqida yozgandi.