Beeline tarif o‘zgarishlariga oid vaziyatga izoh berdi

«Unitel» MCHJ (Beeline Uzbekistan) so‘nggi paytlarda tarif rejalarida yuz bergan o‘zgarishlar yuzasidan rasmiy bayonot berdi. Kompaniya bu haqda Kursiv Uzbekistan’ga ma’lum qildi.

Kompaniyaga ko‘ra, barcha o‘zgarishlar telekommunikatsiya xizmatlarini ko‘rsatish qoidalari va O‘zbekiston Respublikasi qonunchiligiga to‘liq muvofiq tarzda amalga oshirilgan.

«Unitel» O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasiga tariflardagi o‘zgarishlar bo‘yicha zarur tushuntirishlarni taqdim etganini bildirar ekan, hozirda ushbu ma’lumotlarning ko‘rib chiqilishi kutilayotganini ma’lum qildi. Kompaniya ruxsat etilgan huquqiy tartib yakuniga yetmaguncha masalani ommaviy ravishda muhokama qilishni lozim topmayotganini ta’kidladi.

Shuningdek, kompaniya o‘zining O‘zbekiston iqtisodiyotidagi yirik hissasini ham eslatib o‘tdi. Jumladan, «Unitel» MCHJ mamlakatdagi eng yirik xususiy soliq to‘lovchilardan biri hisoblanadi.

2006-yildan buyon kompaniya O‘zbekiston telekommunikatsiya bozoriga $1,4 mlrddan ortiq sarmoya kiritgan.

Beeline Uzbekistan faoliyati davomida Davlat budjetiga $2 mlrdga yaqin soliq to‘lagan.

Kompaniya rasmiylari vaziyatni qonuniy asosda hal qilishga sodiqligini bildirib, barcha amallar ochiq va qonuniy yo‘nalishda olib borilayotganini ta’kidlashmoqda.

Avvalroq Kursiv Uzbekistan endi Beeline kunlik to‘lovni avtomatik yechib olmasligi mumkinligi haqida xabar bergan edi.