Samsung One UI 8 interfeysining barqaror versiyasi 2025-yil yozida chiqishini rasman tasdiqlandi. Bu haqda Gizmochina nashri ma’lum qildi.
Garchi aniq sana hali e’lon qilinmagan bo‘lsa-da, yangi versiya Galaxy Z Fold 7 va Galaxy Z Flip 7 buklanadigan smartfonlari bilan birinchi bo‘lib taqdim etilishi kutilmoqda. Ular iyul oyida sotuvga chiqishi rejalashtirilgan.
Yangilanishni oladigan Samsung qurilmalari:
- Galaxy S seriyasi: S21 FE va undan keyingilar
- Galaxy Z seriyasi: Z Fold 4, Z Flip 4 va yangi modellari
- Galaxy A seriyasi: A06 va undan keyingilar
- Galaxy M seriyasi: M06, M05 va boshqalar
- Galaxy Tab planshetlari: A9, A9+, Active 5 va boshqalar
One UI 8 yangiliklari nimalardan iborat?
Yangi funksiyalar:
- Quick Share: endi maxsus to‘liq ekranli ko‘rinishga ega bo‘ladi.
- Ilovalarni cho‘zish: ajratilgan ekranda ilovalarni foydalanuvchi istagiga ko‘ra cho‘zish mumkin.
- Samsung DeX: ekran aniqligi va o‘lchamini sozlash, displeyni vertikal holatga burish funksiyasi qo‘shiladi.
- Jonli fon rasmlari: kun vaqtiga qarab avtomatik o‘zgaruvchi dinamik fonlar.
Kamera va Galereya:
Kamera ilovasida boshqaruv elementlarini pastga/yuqoriga surib ochish sozlanadi.
Galereya: skrinshotlar «Qo‘nish talonlari», «Kuponlar», «Xaridlar», «Joylashuv» kabi toifalarga avtomatik ajratiladi.
Xavfsizlik:
Himoyalangan jildga boshqa barmoq izi bilan kirish imkoni yaratiladi.
Bluetooth va ulanish:
Bir nechta Bluetooth audio qurilmalari bilan bir vaqtda ulanish soddalashtiriladi.
Ulanishni soddalashtirish uchun QR kod orqali ulanish funksiyasi qo‘shiladi.
Reminder va Samsung Health:
- Reminder yangi dizaynga ega bo‘ladi.
- Samsung Health – do‘stlarni sog‘lom turmush tarziga undovchi yangilik: ularni fitnes maqsadlariga erishishga chaqirish funksiyasi bilan to‘ldiriladi.
Avvalroq Kursiv Uzbekistan Samsung Galaxy S22, Galaxy S22+ va Galaxy S22 Ultra smartfonlari muhim yangilanishni olishi kutilayotgani haqida xabar bergan edi.
