Apple 2025-yilgi WWDC konferensiyasida iOS 26 bilan birga kutilgan Apple Intelligence funksiyalarini namoyish qildi. Bu haqda Sammobile nashri ma’lum qildi.
Biroq bu yangilik kompaniya foydalanuvchilari orasida katta umidsizlikka sabab bo‘ldi. Sababi — sun’iy intellekt faqat iPhone 15 Pro, iPhone 15 Pro Max va iPhone 16 seriyasi uchun mavjud. Ya’ni, Apple Intelligence ko‘pchilik uchun mavjud emas.
Apple Intelligence faqat yangi iPhone’larda ishlaydi
Kompaniya bu cheklovni texnik sabablarga, xususan, eski qurilmalarda kuchli protsessor va yetarlicha tezkor xotira yo‘qligi bilan izohlamoqda. Apple Intelligence funksiyalari ko‘p hollarda sun’iy intellekt algoritmlarini lokal (qurilmada) ishlatishni talab qiladi. Shuning uchun, deydi kompaniya, faqat 8 Gb tezkor xotirali iPhone 15 Pro va undan keyingi Pro modellar bu yuklamani ko‘tara oladi.
Samsung Galaxy AI – ochiqlik va keng qamrov
Bunga qarshi turuvchi eng yaqqol misol — Samsung Galaxy AI. U 2024-yilda Galaxy S24 bilan debyut qilgan bo‘lsa-da, Samsung uni oldingi ikki yildagi barcha flagman qurilmalarga (S22, Fold4, Flip4 va boshqalar) tarqatdi. Galaxy AI hozirda ham kengayishda davom etmoqda va sun’iy intellekt funksiyalarining asosiy qismi deyarli har bir zamonaviy Samsung foydalanuvchisi uchun ochiq.
Samsung AI foydalanuvchilarga quyidagilarni taklif etmoqda:
- Jonli tarjima (Live Translate)
- Generativ foto tahriri
- Xabarlar va hujjatlarni umumlashtirish
- Samsung Notes’ni intellektual tahrirlash
- Smart Reply va boshqa Galaxy AI texnologiyalari
Shunchaki texnik cheklovmi yoki marketing strategiyasi
Ko‘plab texnoblogerlar Apple Intelligence cheklovlarini marketing yondashuvi deb hisoblamoqda. Chunki iPhone 14 Pro kabi kuchli qurilmalar ham ba’zi AI funksiyalarni bajarishga qodir bo‘lishi kerak. Shunga qaramay, Apple eski modellarni AI’dan mahrum qilish orqali foydalanuvchilarni yangilanishga undayotgani ehtimoldan xoli emas.
Apple va Samsung tizimlarini taqqoslash jadvali
| Aspekt | Apple Intelligence | Samsung Galaxy AI |
|---|---|---|
| Yangi AI funksiyalar | Ha | Ha |
| Qurilma doirasi | Juda cheklangan (15 Pro, 16) | Keng (S22 va undan keyin) |
| Protsessor talabi | A17 Pro va M-sep prosessorlar | Snapdragon 8 Gen 1 va undan yangi |
| Xotira talabi | 8 GB va undan ko‘p | 6–8 GB ham yetarli |
| Lokal AI ishlov | Ko‘proq lokal | Cloud + lokal |
| Foydalanuvchilar yondashuvi | Eksklyuzivlik | Ochiqlik, kengayish |
Avvalroq Kursiv Uzbekistan Android foydalanuvchilari nega iOS’ga o‘tishni istamasligi aniqlangani haqida xabar bergan edi.
