Kompaniya rahbari Lei Jun Xiaomi YU7 modelini 2025-yil iyun oyi oxirida rasman sotuvga chiqarishini Weibo ijtimoiy tarmog‘ida ma’lum qildi.
YU7 modelining eng muhim afzalliklaridan biri – 700 TOPS hisoblash quvvatiga ega Nvidia Drive AGX Thor platformasidir. Ushbu platforma avtonom haydash funksiyalarini ta’minlab beradi: LiDAR, millimetrli radarlar va yuqori aniqlikdagi videokameralar bilan integratsiya qilinadi.
Avtomobil quyidagi texnik xususiyatlarga ega bo‘ladi:
- 508 kVt (681 ot kuchi)gacha quvvatga ega elektr motorlar;
- maksimal tezlik – soatiga 253 km;
- akkumulyator sig‘imi – 101,7 kVt/soat, yurish zaxirasi esa 835 kilometrgacha;
- kamroq sig‘imli batareyali variantlar ham mavjud bo‘ladi.
Boshlang‘ich narx 250 ming yuan (taxminan $34,7 ming)dan boshlanadi.
Xiaomi avtomobil bilan birgalikda yangi planshet – Xiaomi Pad 7S Pro modelini ham taqdim etadi. U kompaniya ishlab chiqqan Xuanjie O1 chipida ishlaydigan ikkinchi planshet bo‘ladi.
Avvalroq Kursiv Uzbekistan 222 dollarga Xiaomi Mijia 271L uch eshikli muzlatkich taqdim etilishi haqida xabar bergan edi.
