Xiaomi kompaniyasi tomonidan 26-iyun kuni Xiaomi YU7 eketromobili rasman taqdim etiladi. Bu haqda CarNewsChina nashri xabar bermoqda. Ushbu model kompaniyaning o‘rta hajmdagi elektromobil bozoriga ilk kirib kelishidir.
Tadbirda Xiaomi Flip2 bukiluvchi smartfoni va Xiaomi Pad 7S Pro plansheti ham namoyish qilinadi.
Avtomobil Pekindagi Yizhuang zavodida ommaviy ishlab chiqarilmoqda. Minglab tayyor avtomobillar zavodda saqlanmoqda. Yetkazib berish jarayoni iyul oyida boshlanishi rejalashtirilgan.
YU7 SU7 bilan bir xil Modena platformasida ishlab chiqilgan. Uning uzunligi taxminan 4,8 metrni tashkil qiladi. U oilaviy foydalanish uchun mo‘ljallangan. Orqa o‘rindiqlarda bosh uchun joy kengroq.
Model yuqoriroq yurish balandligiga ega. Dizayni fastbek ko‘rinishida bo‘lib, amaliylikni oshiradi. Avtomobil Tesla Model Y bilan raqobatga kirishadi.
Standart versiyada ikki motorli harakat tizimi mavjud. U 365 kVt (489 ot kuchi) quvvat ishlab chiqaradi. Yana bir yuqori samarali variant 508 kVt (681 ot kuchi) quvvatga ega.
YU7 800V elektr tizimi bilan jihozlangan. Akkumulyatorlar BYD va CATL kompaniyalari tomonidan ishlab chiqarilgan. Bu tizim tez quvvat olish imkonini beradi.
Xiaomi YU7 elektromobili 245 900 yuan (taxminan $34,1 ming) dan boshlab sotuvga chiqadi. Bu narx kompaniyaning bozorga faol kirishini ko‘rsatadi.
Ma’lumot o‘rnida, u oilaviy foydalanish uchun mo‘ljallangan bo‘lib, keng salon va yuqori yurish balandligiga ega. Avtomobil ikki xil versiyada chiqariladi: biri 489 ot kuchiga, ikkinchisi esa 681 ot kuchiga ega. YU7 zamonaviy 800 voltli tizim va kuchli litiy-ion akkumulyatorlar bilan jihozlangan. Avtomobil Tesla Model Y bilan raqobatlashishga mo‘ljallangan.
Eslatib o‘tamiz, Kursiv Uzbekistan nashri Redmi K80 Ultra kamerasi bilan olingan suratlar taqdim etilgani haqida yozgan edi.
