Oppo o‘zining Reno14 seriyasiga yangi model – Oppo Reno14 F ni qo‘shdi. Avval Reno14 va Reno14 Pro modellari mavjud edi, endi esa ularning soni uchtaga yetdi. Bu haqda GSMArena xabar bermoqda.
Yangi Reno14 F modeli Snapdragon 6 Gen 1 chipi bilan jihozlangan. U 12 GB gacha tezkor xotira (LPDDR4X) va 512 GB ichki xotira (UFS 3.1) bilan birga ishlaydi. Qurilmada Android 15 asosidagi ColorOS 15 operatsion tizimi o‘rnatilgan.
Telefon 6,57 dyuymli Full HD+ AMOLED ekran bilan ta’minlangan. Ekran 120 Hz yangilanish tezligiga ega va 1 400 nit yorqinlikka chiqadi. Ekranni ho‘l qo‘l yoki qo‘lqop bilan ham ishlatish mumkin. Himoyasi esa AGC Dragontrail DT-STAR D+ bilan ta’minlangan.
Kamera tizimi to‘rtlidan iborat:
- 50 MP asosiy kamera (Sony IMX882, optik stabilizatsiya bilan),
- 8 MP ultra keng burchakli kamera (avtofokusli),
- 2 MP makro kamera,
- 32 MP old kamera (avtofokus bilan).
Kamera funksiyalariga AI Flash Livephoto, AI Recompose, AI Perfect Shot, AI Style Transfer kabi sun’iy intellekt imkoniyatlari ham qo‘shilgan.
Batareyasi 6 000 mA/soat bo‘lib, 45 Vt tez zaryadlashni qo‘llab-quvvatlaydi. Shuningdek, telefon ekran ichida barmoq izi skaneri, IP69 himoya darajasi va suv osti suratga olish funksiyasiga ega.
Reno14 F uch xil rangda taqdim etilgan: Glossy Pink, Luminous Green va Opal Blue. Xotira variantlari:
- 8 GB / 256 GB
- 12 GB / 256 GB
- 12 GB / 512 GB
Hozircha telefonning narxi va savdo sanasi rasman e’lon qilinmagan.
Avvalroq Oppo Reno14 seriyasi 1-iyulda xalqaro miqyosda taqdimot qilishi haqida yozgan edi.
