Vivo kompaniyasi yangi bukiluvchi flagman smartfoni – Vivo X Fold 5 modelini taqdim etdi. Bu haqda kompaniya rasmiy saytida ma’lum qildi.
Qurilma yuqori texnik ko‘rsatkichlari, yupqa korpusi va noodatiy funksiyasi Apple Watch’ni qo‘llab-quvvatlashi bilan ajralib turadi.
Qurilmaning asosiy xususiyatlari quyidagicha:
- Displey: 6,53 dyuymli tashqi (OLED, 120 Gs), 8,03 dyuymli ichki ekran (2480×2200, 120 Gs)
- Chipset: Snapdragon 8 Gen 3, Adreno 750 grafik yadro
- Xotira: 12/16 GB RAM, 256/512/1024 GB doimiy xotira (UFS 4.1)
- Kamera: 50 MP asosiy (Sony IMX921), 50 MP keng burchakli, 50 MP 3x zum teleobyektiv, 20 MP selfi kamera
- Batareya: 6000 mA/soat, 80 Vt tez zaryadlash, 40 Vt simsiz zaryad
- Himoya: IP59 – chang va namlikdan himoyalangan
- OS: Android 15, OriginOS 5 bilan
Eng qiziqarli yangiliklardan biri Apple Watch’ni qo‘llab-quvvatlash funksiyasidir. Bu Android qurilmalar uchun juda noyob bo‘lib, vivo X Fold 5 bu borada ilk qadam qo‘ydi. Aytish joizki, bu imkoniyat dastlabki versiyada mavjud bo‘lmaydi, balki keyingi dasturiy yangilanish orqali ishga tushiriladi.
Narxlar (Xitoy bozori uchun):
- 12 + 256 GB versiyasi – 6999 yuan
- 16 + 1024 GB versiyasi – 9499 yuan
Model allaqachon Xitoyda oldindan buyurtma uchun ochilgan. Yaqin orada boshqa bozorlarda ham taqdim etilishi kutilmoqda.
Avvalroq Kursiv Uzbekistan Vivo kichik smartfonini taqdim etgani haqida xabar bergan edi.
