Nothing kompaniyasi Nothing Headphone (1) modelini namoyish qildi. Bu haqda 4pda nashri ma’lum qildi.
Odatdagidek brend o‘zining tanilgan shaffof dizaynini saqlagan va unga yuqori sifatli audio funksiyalarni jamlagan. Qurilma Britaniyaning mashhur KEF audiobrendi bilan hamkorlikda ishlangan.
Headphone (1) 40 millimetrli nikellangan poliuretan diafragmali dinamiklar bilan jihozlangan. Ular fazoviy tovush, 8 chiziqli ekvalayzer, AAC, SBC va LDAC kodeklarini qo‘llab-quvvatlaydi. Aktiv shovqin so‘ndirish tizimi 42 dB gacha kuchga ega bo‘lib, 2000 Gs chastotalarni filtrlashi mumkin. Shuningdek, shaffoflik rejimi ham mavjud.
Quloqchinlar Bluetooth 5.3 orqali ulanadi, boshqaruv esa tugmalar va aylantiriluvchi g‘ildirak yordamida amalga oshiriladi.
Avtonomlik jihatdan ham qurilma kuchli:
- 80 soatgacha shovqinsiz eshitish;
- 35 soatgacha faol shovqin so‘ndirish bilan ishlash;
- LDAC bilan bu ko‘rsatkichlar 54 va 30 soatgacha kamayadi;
- 5 daqiqalik tez zaryad 5 soat eshitish imkonini beradi.
Qo‘shimcha funksiyalari:
- Google Fast Pair;
- Microsoft Swift Pair;
- ikki qurilmaga bir vaqtda ulanish;
- shaxsiy ovoz profili;
- boshda aniqlash va past kechikishli o‘yin rejimi.
Nothing Headphone (1) narxi $299 deb belgilangan.
Avvalroq Kursiv Uzbekistan Realme Buds Air 7 Pro quloqchinlari taqdim etilgani haqida xabar bergan edi.
