
Shu yilning iyun oyida O‘zbekistonda ikkilamchi avtomobil bozorida sezilarli o‘zgarishlar kuzatildi. Jumladan, Cobalt, Nexia, Damas va boshqa modellar narxi qimmatlagan bo‘lsa, elektromobillar bozorida narx pasaygan. Bu haqda Makroiqtisodiy va hududiy tadqiqotlar instituti tahlillarida ma’lum qilindi.
Mahalliy ommabop avtomobillar narxi ko‘tarilmoqda
Iyunda Onix, Lacetti, Cobalt, Nexia, Spark va Damas kabi ommabop modellar narxida o‘sish kuzatildi. Masalan, kam foydalanilgan Lacetti avtomobili $200 ga oshib, $14 800 ni tashkil qildi. Cobalt va Nexia ham o‘rtacha $100–$300 oralig‘ida qimmatlashdi.
Mahalliy avtomobillar narxi
Model | Foydalanilgan darajasi | May oyidagi narx | Iyun oyidagi narx | Narx o‘zgarishi ($) |
---|---|---|---|---|
Onix | O‘rtacha | $13 480 | $13 600 | +120 |
Lacetti | Kam | $14 600 | $14 800 | +200 |
Lacetti | Ko‘p | $12 900 | $13 000 | +100 |
Cobalt | Kam | $12 550 | $12 700 | +150 |
Cobalt | O‘rtacha | $12 000 | $12 125 | +125 |
Cobalt | Ko‘p | $11 500 | $11 600 | +100 |
Nexia | O‘rtacha | $10 900 | $11 200 | +300 |
Nexia | Ko‘p | $10 000 | $10 115 | +115 |
Spark | Ko‘p | $8 800 | $9 000 | +200 |
Spark | O‘rtacha | $10 000 | $10 194 | +194 |
Damas | Kam | $8 000 | $8 050 | +50 |
Mahalliy lyuks modellarda o‘zgaruvchan tendensiya
Lyuks toifadagi avtomobillar orasida narxlar barqaror emas. Masalan, o‘rtacha foydalanilgan Malibu $500 ga arzonlashgan bo‘lsa, kam foydalanilgan Equinox esa $1300 ga ko‘tarilib, $34 800 ni tashkil etdi. Tracker modellari esa har uchala holatda ham narx jihatdan biroz oshgan.
Lyuks modellar narxi
Model | Foydalanilgan darajasi | May oyidagi narx ($) | Iyun oyidagi narx ($) | Narx o‘zgarishi ($) |
---|---|---|---|---|
Equinox | Ko‘p | $26 200 | $26 000 | -200 |
Equinox | O‘rtacha | $30 500 | $30 450 | -50 |
Equinox | Kam | $33 500 | $34 800 | +1300 |
Malibu | O‘rtacha | $28 500 | $28 000 | -500 |
Tracker | O‘rtacha | $17 000 | $17 300 | +300 |
Tracker | Ko‘p | $16 000 | $16 200 | +200 |
Tracker | Kam | $18 425 | $18 500 | +75 |
Elektromobillar arzonlashmoqda
Elektromobillar segmentida deyarli barcha modellar narxi pasaygan. Xususan, BYD Han o‘rtacha $1600 ga arzonlab, $32 500 bo‘ldi. Song Plus EV Champion va Yuan Up ham pasaygan. Faqat BYD E2 modelida narx biroz ko‘tarildi.
Elektromobillar narxi
Model | Foydalanilgan darajasi | May oyidagi narx ($) | Iyun oyidagi narx ($) | Narx o‘zgarishi ($) |
---|---|---|---|---|
BYD Han | O‘rtacha | $34 100 | $32 500 | -1600 |
BYD Song Plus EV Champion | O‘rtacha | $26 163 | $25 800 | -363 |
BYD Song Plus EV Champion | Yangi | $28 800 | $28 500 | -300 |
BYD Song Plus EV Champion | Yangi | $28 000 | $27 325 | -675 |
BYD Song Plus EV Champion | O‘rtacha | $26 000 | $25 500 | -500 |
BYD Yuan Up | O‘rtacha | $20 150 | $20 000 | -150 |
BYD E2 | O‘rtacha | $15 600 | $16 000 | +400 |
BYD E2 | Yangi | $16 950 | $17 000 | +50 |
Xorijiy avtomobillar bozorida barqarorlik yo‘q
Kia K5 va Chevrolet Monza kabi xorijiy modellar narxi iyun oyida oshgan bo‘lsa, Kia Seltos o‘rtacha $677 ga arzonlashdi. Bu turdagi avtomobillarning narxi valyuta kurslari, bojxona tartiblari va import xarajatlariga bog‘liq bo‘lishi mumkin.
Xorijiy avtomobillar narxi
Model | Foydalanilgan darajasi | May oyidagi narx ($) | Iyun oyidagi narx ($) | Narx o‘zgarishi ($) |
---|---|---|---|---|
Kia K5 | Ko‘p foydalanilgan | $29 223 | $30 000 | +777 |
Chevrolet Monza | O‘rtacha | $16 600 | $16 673 | +73 |
Kia Seltos | O‘rtacha | $24 383 | $23 705 | -677 |
Narxlar olx.uz platformasidan web scraping texnologiyasi yordamida olingan bo‘lib, iyun oyida 15 700 ta e’lon, may oyida esa 14 800 ta e’lon asos qilib olingan.
Avvalroq Kursiv Uzbekistan may oyida ishlatilgan Cobalt narxi qanchaga arzonlashgani haqida yozgandi.