Chevrolet Tracker — bu ixcham krossover bo‘lib, kundalik foydalanish uchun mo‘ljallangan. U shahar ichida ham, undan tashqarida ham harakatlanish uchun qulay variant hisoblanadi. Avtomobilda zaruriy funksiyalar mavjud bo‘lib, yonilg‘i sarfi va boshqaruv imkoniyatlari oddiy ehtiyojlarga mos keladi. Ushbu maqolada Chevrolet Tracker qo‘shni davlatlarda qanday narxda sotilayotgani bilan bog‘liq ma’lumotlar taqdim etiladi.
Chevrolet Tracker o‘zi qanday avtomobil
Ushbu model bir nechta dvigatel turlari va uzatmalar qutilari bilan taqdim etiladi. Eng keng tarqalgan variantlar 1.0 litrli va 1.2 litrli turbobenzinli dvigatellardir. 1.0 litrli motor taxminan 115 ot kuchi, 1.2 litrli dvigatel esa 132 ot kuchigacha quvvat ishlab chiqaradi.
Tracker avtomatik va mexanik uzatmalar qutilari bilan jihozlanadi. 6 pog‘onali avtomat va 5 yoki 6 pog‘onali mexanik qutilar mavjud. Old g‘ildirakdan tortuvchi (FWD) tizim asosiy varianti hisoblanadi. Ba’zi versiyalar to‘liq g‘ildirakdan tortuvchi (AWD) tizim bilan ham jihozlanadi.
Avtomobilning uzunligi taxminan 4,27 metr, eni 1,79 metr, balandligi esa 1,6 metrdan sal oshiq. G‘ildirak bazasi 2,57 metrni tashkil qiladi.
Avtomobil xavfsizlik tizimlari bilan ham boyitilgan. Unda ABS, ESP, yondosh havo yostiqchalari, tormoz kuchini taqsimlash tizimi mavjud. Yuqori komplektatsiyalarda orqa kamera, to‘liq LED chiroqlar va tepalikda harakatni nazorat qilish funksiyasi ham taqdim etiladi.
Multimedia tizimi 8 dyuymli sensorli ekran bilan jihozlangan bo‘lib, u Apple CarPlay va Android Auto tizimlarini qo‘llab-quvvatlaydi. Ba’zi versiyalarda simsiz zaryadlash, orqa parkovka datchiklari va panorama tom mavjud.
Chevrolet Tracker’ning yoqilg‘i sarfi 100 km masofaga o‘rtacha 6–7 litrni tashkil qiladi. Bu esa uni tejamkor avtomobillar qatoriga kiritadi. Umuman olganda, Tracker kundalik hayotda foydalanish uchun mo‘ljallangan, sodda, ishonchli va texnologik qulayliklarga ega bo‘lgan avtomobil hisoblanadi.
O‘zbekiston
Ushbu model O‘zbekistonda ommabop modellardan biri bo‘lib, yanvar-may oylarida 13,4 ming dona sotilgan. Ushbu model mahalliy bozorda 5 ta toifada taqdim etiladi. Ularning barchasida 5 ta o‘rindiq mavjud. Model shahar va sayohat uchun yaxshi tanlov bo‘lishi mumkin. Ko‘pchilik xaridorlar uning yonilg‘i iste’moli me’yoridaligi uchun tanlaganini aytadi: Trassada 5,5 litrni tashkil etadi.
Uning narxlari chegirma bilan quyidagicha:
| Model nomi | Narxi (so‘mda) | Narxi (USD, taxminiy) |
|---|---|---|
| Tracker LS Plus | 215,9 mln so‘m | $17 111 |
| Tracker LTZ Plus | 229,1 mln so‘m | $18 161 |
| Tracker Premier Plus | 252,6 mln so‘m | $20 016 |
| Tracker Redline | 260,4 mln so‘m | $20 641 |
| Tracker Premier Plus wo C68 | 250,6 mln so‘m | $19 867 |
Chegirmasiz esa quyidagicha:
| Model nomi | Narxi (so‘mda) | Narxi (USD, taxminiy) |
|---|---|---|
| Tracker LS Plus | 221 mln so‘m | $17,4 ming |
| Tracker LTZ Plus | 244 mln so‘m | $19,3 ming |
| Tracker Premier Plus | 272 mln so‘m | $21,5 ming |
| Tracker Redline | 282 mln so‘m | $22,3 ming |
| Tracker Premier Plus wo C68 | 270 mln so‘m | $21 ming |
Qozog‘iston
Qozog‘istonda Chevrolet Tracker bir nechta komplektatsiyada sotilmoqda. LT versiyasi avtomat uzatmalar qutisi va 1.2 litrli dvigatel bilan jihozlangan. Ushbu model asosan O‘zbekistondan eksport qilinadi.
Narxlar quyidagicha:
| Model | Narxi (tenge) | Narxi (AQSh dollarida) |
|---|---|---|
| 1LT AT | 9 990 000 ₸ | 19 000 $ |
| Premier AT | 10 490 000 ₸ | 20 000 $ |
Rossiya
Rossiya avtomobori ham ancha raqobatli. Mamlalat milliy ishlab chiqaruvchisi AvtoVaz ham Xitoy elektromobillari va koreya texnologiyalariga o‘rni bo‘shatib bermoqda, Shunday bo‘lsa ham Chevrolet Tracker mamlakat bo‘ylab xarid qilinadigan modellaridan biri bo‘lib qolmoqda. Modelni asosan ikkilamchi bozorda xarid qiladi. Ammo biz yangi Tracker narxlari haqida ma’lumotlarni to‘pladik.
| Model nomi | Narxi (rubl) | Narxi (USD, taxminiy) |
|---|---|---|
| Tracker 1.8 MT LS | 952 000 ₽ | $12 000 |
| Tracker 1.8 MT LT | 1 042 000 ₽ | $13 300 |
| Tracker 1.4 MT LTZ AWD | 1 107 000 ₽ | $14 100 |
| Tracker 1.8 AT LT AWD | 1 142 000 ₽ | $14 600 |
| Tracker 1.8 AT LTZ AWD | 1 177 000 ₽ | $15 000 |
Chegirmasiz narxlar:
| Model nomi | Narxi (rubl) | Narxi (USD, taxminiy) |
|---|---|---|
| Tracker 1.8 MT LS | 1 111 000 ₽ | $14,2 ming |
| Tracker 1.8 MT LT | 1 201 000 ₽ | $15,3 ming |
| Tracker 1.4 MT LTZ AWD | 1 266 000 ₽ | $16,2 ming |
| Tracker 1.8 AT LT AWD | 1 301 000 ₽ | $16,6 ming |
| Tracker 1.8 AT LTZ AWD | 1 336 000 ₽ | $17, 1 ming |
Qizg‘iziston
Ushbu mamlakatda Tracker modelinining yangi versiyasini rasmy dilerdan xarid qilish imkoni mavjud. Avtomobil 1,66 mln qirg‘iz so‘mi ($19 ming) qiymatiga ega.
Tojikiston va Turkmanistonda ushbu modellarni rasmiy diler yoki avtosalondan xarid qilish imkonsiz. Xorijdan olib kirilgan avtomobillar turi, ishlab chiqarilgan sanas va qiymatiga qarab farq qilishi mumkin.
Eslatib o‘tamiz, Kursiv Uzbekistan nashri Chevrolet Tracker avtomobilining tarixi haqida maqola e’lon qilgan edi.
