Android Canary’ning iyul versiyasida ko‘p vazifali ishlash imkoniyatlarini sezilarli darajada kengaytiruvchi yangi funksiya joriy etildi.
Endilikda foydalanuvchilar ekranni 90/10 nisbatda boʻlish rejimida ishlata olishadi. Bu yangilik yuqori ekranli qurilmalarda bir vaqtning oʻzida ikki ilovadan foydalanish qulayligini sezilarli darajada oshiradi.
Yangi rejimga koʻra, bitta ilova ekranning 90 foizini, ikkinchisi esa atigi 10 foizini egallaydi. Ilovalar oʻrtasida tezda almashish esa kichik oynaga bosish orqali amalga oshiriladi – bu ikki ilovaning joyini avtomatik ravishda almashtiradi.
Mazkur 90/10 rejimi ilgari mavjud boʻlgan 70/30 nisbatiga qoʻshimcha sifatida kiritildi. Dastlabki rejalarga koʻra, 70/30 oʻrniga toʻliq 90/10 qoʻllanilishi kerak edi. Biroq Google foydalanuvchilar fikrlarini inobatga olib, har ikkala rejimni saqlab qolishga qaror qilgan.
Ushbu funksiya yil boshidan beri ishlab chiqilayotgan edi. Dastlab u Android 16ʼning choraklik relizlaridan birida paydo boʻlishi kutilgan edi, endilikda esa u Android 16 kodida toʻliq mavjud.
Hozirda bu imkoniyat Samsungʼning One UI 8 kabi Android 16 bazasidagi ba’zi tizimlarda ham joriy etilgan.
Avvalroq Kursiv Uzbekistan Samsung Galaxy S25 va Galaxy S24 uchun muhim yangilanish chiqargani haqida xabar bergan edi.
