SAIC‑GM qo‘shma korxonasi Xitoyda ishlab chiqarilgan yangi Buick GL8 Luzun avtomobilini namoyish etdi Bu haqda CarNewsChina xabar bermoqda.
Bu avtomobil sanoatdagi birinchi 5C batareyali plug-in gibrid MPV hisoblanadi. Yangi modelda 34,8 kVt/soat hajmdagi ternar litiy batareyasi o‘rnatilgan. U 5C texnologiyasi asosida ishlab chiqarilgan. Avtomobil faqat elektrda 202 km, umumiy hisobda esa 1450 km masofani bosib o‘tadi.
Batareya 30% dan 80% gacha atigi 15 daqiqada quvvatlanadi. Bu ko‘rsatkichlar avvalgi modelga qaraganda ancha yuqori. Hozirgi GL8 versiyasi 138 km elektr yurish zaxirasiga ega bo‘lgan.
Yangi GL8 Luzun tashqi ko‘rinishi jihatdan avvalgi modelga o‘xshash. Old panjarasi katta va xrom bezaklar bilan to‘ldirilgan. O‘lchamlari: 5219×1878×1807 mm, g‘ildirak bazasi 3088 mmni tashkil etadi.
Avtomobil 1.5T turbomotor va elektromotor bilan harakatga keladi. Benzin dvigatelining quvvati – 132 kVt (177 ot kuchi), elektromotor esa 160 kVt (215 ot kuchi).
2025-yilning dastlabki 6 oyida Buick GL8 seriyasidan 58 ming dona avtomobil sotilgan. Ulardan GL8 Lushang va Luzun modellari umumiy savdoning 40 foizini tashkil qilgan.
Buick GL8 Luzun, shuningdek, «Eng yaxshi saqlanadigan plug-in MPV» unvoniga ega bo‘lgan. Uning 1 yillik qiymat saqlash ko‘rsatkichi – 80,68 foiz. Bu natija Xitoy Avtomobil dilerlari assotsiatsiyasi tuzgan 2025-yil birinchi yarmi reytingiga asoslangan.
Eslatib o‘tamiz, Kursiv Uzbekistaan nashri Kia Carens Clavis elektromobilini taqdim etgani haqida yozgan edi.
