Leica kompaniyasining 100 yilligi munosabati bilan Xiaomi kompaniyasi Xiaomi 15 Ultra modelining eksklyuziv seriyasini taqdim etdi. Bu haqda Gizmochina nashri ma’lum qildi.
Smartfon maxsus ishlab chiqilgan kumush rangli korpusga ega bo‘lib, orqa paneli oltin aksentlar bilan bezatilgan. Kameraning katta halqasi va uning perimetri bo‘ylab sun’iy eskirish effektlari qo‘llanilgan bo‘lib, bu qurilmaga «professional ishlatilgan kamera» estetikasini beradi.
Smartfon Leica versiyasi 1 dyuymli asosiy kamera, 200 MP sensor, 4.3 karra optik zumli teleobyektiv, 50 MP o‘ta keng burchakli modul va yana bir 50 MP teleobyektiv bilan jihozlangan. Kamera tizimi «Inson surati» fotografiya uslubiga ixtisoslashtirilgan bo‘lib, yuqori aniqlik va tabiiy tasvirlar bilan ajralib turadi.
Uskuna Snapdragon 8 Gen 3 asosidagi yangi Snapdragon 8 Elite chipi, 6,73 dyuymli LTPO AMOLED QHD displey va IP68 darajasidagi suv va changdan himoyalangan korpus bilan to‘liq flagmanlik tajribasini taqdim etadi.
Maxsus nashr Xiaomi va Leica tomonidan yaratilgan eksklyuziv «Inson surati» fotoalbomi joylashgan sovg‘a qutisida taqdim etiladi.
Avvalroq Kursiv Uzbekistan eng yaxshi kameraga ega smartfonlar reytingi aniqlangani haqida xabar bergan edi.
