Bakalavr va magistratura uchun davlat granti soni tasdiqlandi

Prezidentning «Davlat oliy ta’lim tashkilotlariga o‘qishga qabul qilishning davlat buyurtmasi parametrlarini tasdiqlash to‘g‘risida»gi farmoyishi qabul qilindi. Hujjatga ko‘ra, 2025/2026 o‘quv yilidan boshlab davlat OTMlarida kunduzgi ta’lim shakli bo‘yicha bakalavriat va magistratura bosqichlariga ajratiladigan grant o‘rinlari tasdiqlandi.

Bakalavriat kunduzgi ta’lim shakli uchun grant o‘rinlari:

• 2025/2026 yilda — 35 500 ta
• 2026/2027 yilda — 36 023 ta
• 2027/2028 yilda — 36 460 ta
• 2028/2029 yilda — 36 761 ta

Magistratura kunduzgi ta’lim shakli uchun grant o‘rinlari:

• 2025/2026 yilda — 9 922 ta
• 2026/2027 yilda — 10 191 ta
• 2027/2028 yilda — 10 477 ta
• 2028/2029 yilda — 10 784 ta

Shuningdek, Oliy ta’lim, fan va innovatsiyalar vazirligi quyidagi yo‘nalishlar bo‘yicha grant taqsimotini ishlab chiqib, Davlat komissiyasiga taqdim etadi:

• respublikadagi xorijiy va nodavlat OTMlar uchun ajratilgan 1 320 ta grant taqsimoti;
• chet elda istiqomat qilayotgan yosh vatandoshlar uchun 30 ta grant yo‘nalishlari;
• Oila va xotin-qizlar qo‘mitasi bilan birgalikda 4 000 ta xotin-qizlar uchun ajratilgan grant taqsimoti.

Avvalroq Kursiv Uzbekistan ayrim toifadagi o‘quvchilar qo‘shimcha ta’limga jalb qilinishi haqida xabar bergan edi.