O‘zbekistonliklar Labubu xaridiga 1 mlrd so‘mdan ortiq sarfladi

Labubu nomli noodatiy va charmlovchi yumshoq o‘yinchoqlar O‘zbekiston bozorida kutilmagan darajada mashhurlikka erishdi. Uzum Market’ning Kursiv Uzbekistan’ga bergan ma’lumotlariga ko‘ra, atigi ikki oy ichida fuqarolar ushbu o‘yinchoqlarga $110 mingdan ortiq mablag‘ sarflashgan.

Birinchi Labubu modellari platformaga 2025-yil may oyida taqdim etilgan bo‘lsa-da, ular darhol xaridorlar e’tiborini tortdi. Hozirda eng ko‘p talab qilinayotgan modellardan biriga 900 dan ortiq buyurtmalar tushgan. O‘yinchoq 320 dan ortiq ham ixtisoslashgan, ham ko‘p toifali do‘konlar assortimentiga kiradi.

Bugungi kunga kelib, Uzum Market’da 700 dan ortiq noyob Labubu SKU mavjud bo‘lib, ular O‘zbekistonning 480 dan ortiq aholi punktiga bir kun ichida yetkazib berilmoqda. Xaridlarning asosiy qismi Toshkent shahri va Toshkent viloyatida, shuningdek, Samarqand, Farg‘ona, Buxoro va Navoiyda amalga oshirilmoqda. Xaridorlar orasida ko‘pincha Labubuni o‘zlari uchun ham, sovg‘a sifatida ham sotib oladigan yoshlar ko‘pchilikni tashkil etadi.

Sotuvlar 2025-yil iyun oyida, ya’ni Labubuning platformadagi birinchi pozitsiyalari paydo bo‘lganidan bir oy o‘tgach eng yuqori cho‘qqiga erishdi. Qiziqish hamon saqlanib qolmoqda.

Ma’lumot uchun, Labubu aslida 2019-yilda Xitoyda Pop Mart tomonidan yaratilgan. O‘zining o‘tkir, sho‘x tabassumi va noodatiy ko‘rinishi bilan mashhur bo‘lgan bu o‘yinchoq 2025-yilga kelib nafaqat Osiyoda, balki Yevropa bozorida ham haqiqiy «trend»ga aylangan. Uni endi faqat bolalar emas, balki kattalar – kolleksionerlar va moda ishqibozlari ham xarid qilmoqda.

Mazkur o‘yinchoqlar ortidagi muvaffaqiyat Pop Mart asoschisi Van Ningning ham moliyaviy yuksalishiga sabab bo‘ldi. 38 yoshli tadbirkor bugun Forbes’ning Xitoydagi eng boy shaxslar ro‘yxatiga kirib, ByteDance va Tencent asoschilari qatoriga qo‘shilgan.

Avvalroq Kursiv Uzbekistan «Soyuzmultfilm» kompaniyasi «Chebubu» brendini ro‘yxatdan o‘tkazmoqchiligi haqida yozgandi.