Vivo o‘zining yangi budjet smartfoni Vivo Y400 haqida rasmiy saytida ma’lumot joylashtirdi. Bu model qiziqarli texnik xususiyatlari bilan ajralib turadi.
Y400 4G-smartfon bo‘lib, 6,67 dyuymli AMOLED ekranga ega. Ekran FHD+ aniqlik, 120 Hz yangilanish tezligi va 1800 nit yorqinlikni ta’minlaydi. DCI-P3 rang makonini to‘liq qamrab oladi.
Asosiy kamera 50 MP Sony IMX852 sensori va 2 MP chuqurlik datchigidan iborat. Unda Vivo Dynamic Light texnologiyasi ham bor — u bildirishnoma yoritgichi vazifasini bajaradi.
Smartfonning qalinligi 8 mm dan kam, og‘irligi rangiga qarab 196 yoki 198 grammni tashkil qiladi.
6000 mA/soat sig‘imli akkumulyator 1600 marta zaryadlanganidan so‘ng ham sig‘imining 80% ini saqlab qoladi.
Y400 chang va suvdan IP69 darajasida himoyalangan. Vivo ma’lumotiga ko‘ra, u 6 metr chuqurlikdagi suvda 30 daqiqa davomida ishlashga bardosh bergan.
Narxi hali e’lon qilinmagan.
Eslatib o‘tamiz, Kursiv Uzbekistan nashri Vivo kompaniyasi yangi Vivo Y400 5G smartfoni ustida ishlayotgani haqida yozgan edi.
