Li Auto kompaniyasining yangi Li i8 elektromobili Xitoyda 321 800 yuandan ($44,8 ming) boshlab sotuvga chiqdi. Bu haqda CarNewsChina xabar bermoqda.
Model 536 ot kuchiga ega bo‘lib, 720 kmgacha zaryad bilan yuradi va ikki kamerali havo yostiqchasi bilan jihozlangan.
Bu model aslida o‘tgan yili taqdim etilishi kerak edi. Lekin Mega modelining sust savdolari sabab kechiktirilgan. i8 joriy yilning fevral oyida namoyish etildi. Aprel oyida sotuvga ruxsatnoma olgan. Model 29-iyuldan boshlab rasman bozorda sotila boshladi.
Tashqi ko‘rinishi
Kompaniya rahbari Li Sian i8 dizayni yaxtalardan ilhomlanganini aytgan. Mashina pastga egilgan kapot, old bamperga o‘rnatilgan faralar va old oynasi ostida LED chiziq bilan jihozlangan. Tomda LiDAR sensori bor. Yon tomonlarida qora ustunlar, yashirin eshik tutqichlari va yuqori aniqlikdagi kameralar mavjud. Disklar 18, 19 yoki 20 dyuymli bo‘ladi.
O‘lchamlar
Avtomobil uzunligi — 5085 mm, eni — 1960 mm, balandligi — 1740 mm, g‘ildirak bazasi esa 3050 mmni tashkil etadi. Bu Tesla Model X’dan biroz uzunroq, torroq va balandroq. Aerodinamik ko‘rsatkich (Cd) — 0,218. Bu Model X va Model Y’dan yaxshiroq. Bu past koeffitsiyent yo‘lda tinch harakatlanish va kamroq energiya sarfi degani.
Mashinada balandligi 65 mmgacha sozlanadigan havo bo‘lmasi mavjud. U oldi ikki tayanchli va orqa besh tayanchli mustaqil osmalar, alyuminiy qo‘llar va gidravlik tayanchlar bilan jihozlangan. Korpusning burilishga chidamliligi 49 500 Nm/daraja. Tana 95 foiz ovoz yutuvchi material bilan qoplangan.
Xavfsizlik
Model 8 tonnalik yuk mashinasiga qarshi urilish testlaridan o‘tdi. 9 ta xavfsizlik yostiqchasi mavjud. Eshik tutqichlari to‘qnashuvdan so‘ng avtomatik ochiladi. Akkumulyator suv ostida 10 kun ishladi, -40°C haroratda 24 soat davom etdi, 130 soniya davomida yonishga bardosh bergan. U 10 metr balandlikdan tushib, shikast olmadi.
Ichki ko‘rinish
Ichki makon 2+2+2 sxemasida. Old va ikkinchi qator o‘rindiqlarda yostiqchalar va atmosfera yoritish mavjud. Salonda bo‘shliq uzunligi 3514 mm, bu Mercedes-Benz GLS’dan 91 mm uzun. Ikkinchi qator kaptan o‘rindiqlari 145° yotadi. Uchinchi qatordagi oyoq joyi 875 mmni tashkil etadi. L9 modelidagi 799 mmdan uzunroq.
Ichki qulayliklarga shiftga o‘rnatilgan ekran va ichki sovitkich kiradi. Bagajda esa 565 mm chuqurlik mavjud. U kichik chamadonlar va katlanadigan stolni joylashtirishga yetarli.
Eslatib o‘tamiz, Kursiv Uzbekistan Lynk & Co narxi 15 ming dollardan boshlanadigan elektromobillarni taqdim etgani haqida yozgan edi.
