1-avgustdan ekologik huquqbuzarliklar uchun jarimalar miqdori oshadi — jadval
eʼlon qilindi
( yangilandi)
412 ming so‘mdan 20,6 mln so‘mgacha
2025-yil 1-avgustdan O‘zbekistonda ekologik tartib-qoidalarni buzganlik uchun belgilangan jarimalar miqdori oshiriladi. Bu haqda Toshkent shahar Ekologiya boshqarmasi ma’lum qildi.
Yangi tartibga ko‘ra, chiqindilarni noqonuniy joylarga tashlash, daraxtlarni kesish, suvni ifloslantirish, atmosfera havosiga zarar yetkazish va boshqa qoidabuzarliklar uchun jarimalar 412 ming so‘mdan 20,6 mln so‘mgacha bo‘lgan miqdorda belgilanmoqda.
| Huquqbuzarlik turi | Jarima miqdori (so‘mda) |
|---|---|
| Chiqindini belgilangan joyga tashlamaslik | 412 000 – 1 236 000 |
| Shox-shabbalar yoki o‘simlik qoldiqlarini yoqish | 1 236 000 – 2 060 000 |
| Suvlarni ifloslantirish/bulğatish | 1 236 000 – 2 060 000 |
| Daraxt, buta va nihollarni noqonuniy kesish/shikastlash | 10 300 000 – 20 600 000 |
| Qurilishda atmosfera havosini muhofaza qilish qoidalarini buzish | 4 120 000 |
| Taqiqlangan yovvoyi hayvonlarni saqlash | 2 060 000 – 4 120 000 (hayvonlar musodara qilinadi) |
| Tabiiiy muhitni tiklash choralarini ko‘rmaslik | 412 000 – 1 236 000 |
| Ekologiya inspeksiyasi faoliyatiga to‘sqinlik qilish | 2 060 000 – 4 120 000 |
Shuningdek, sog‘lom daraxtni kesish holatida tabiatga yetkazilgan zarar ham alohida hisoblab chiqiladi.
Eslatib o‘tamiz, avvalroq «Yashil belgi» ekologik markirovka tartibi belgilangan edi.
