Google Pixel 10 smartfonlarining to‘rt modeli va narxlari oshkor qilindi
Google avgust oyida Google Pixel 10 smartfonlarining to‘rt modelini taqdim etadi. Ular: Pixel 10, Pixel 10 Pro, Pixel 10 Pro XL va bukiluvchi Pixel 10 Pro Fold. Qurilmalar haqida texnik ma’lumotlar va narxlar e’lon qilindi.
Barcha modellar yangi Tensor G5 chipida ishlaydi. Akkumulyator quvvati oddiy modellarda 100 soatgacha, bukiluvchi modelda 72 soatgacha yetadi.
Pixel 10 va Pixel 10 Pro ekran o‘lchami 6,3 dyuym. Pro versiyada 100 martalik Pro Res zum, 8K video yozuv va 50+48 MP kamera mavjud. Pixel 10 esa 20 martalik Super Res zum va 4K videoga ega.
Pro XL modelida 6,8 dyuymli ekran bo‘ladi. Pixel 10 Pro Fold esa ikki ekran (6,4 va 8 dyuym) bilan chiqadi. Bukiluvchi model korpusi mustahkam alyuminiydan yasalgan. Kamera tizimi uchta sensorli va ilg‘or.
Narxlar:
| Model | Xotira hajmi | Narxi ($) |
|---|---|---|
| Pixel 10 | 128 GB | 800 |
| 256 GB | 900 | |
| Pixel 10 Pro | 128 GB | 1000 |
| 256 GB | 1100 | |
| 512 GB | 1220 | |
| 1 TB | 1450 | |
| Pixel 10 Pro XL | 256 GB | 1200 |
| 512 GB | 1320 | |
| 1 TB | 1550 | |
| Pixel 10 Pro Fold | 256 GB | 1800 |
| 512 GB | 1920 | |
| 1 TB | 2150 |
Rasmiy taqdimot 20-avgust kuni bo‘lib o‘tadi.
Avvalroq Samsung Galaxy Z Fold7 smartfoniga talab katta ekani ma’lum qilingani haqida yozgan edi.
