Qozogʻistonda foydalanilgan avtomobillarga bagʻishlangan auksionda Chevrolet Cobalt avtomobili $9,4 mingga sotildi. Bu haqda BesMedia nashri xabar berdi.
Xabarga ko‘ra, auksion mycar.kz mobil ilovasiga integratsiyalashgan Myoffer platformasida real vaqt rejimida o‘tkazildi. Shuningdek, ushbu tadbir ko‘plab avtomobil bozori mutaxassislarini bir joyga jamladi.
Mazkur savdoda Cobalt avtomobilining boshlang‘ich narxi 2,75 million tenge (taxminan $5 ming) bo‘lgan. Biroq savdo jarayonida qizg‘in raqobat tufayli narx deyarli ikki baravar oshdi.
Shuningdek, tadbirda Cobalt’dan tashqari yana to‘rtta avtomobil: Hyundai Accent, ikkita Hyundai Elantra va Toyota Camry sotuvga qo‘yilgan.
Yaqinda narxlar biroz tushganiga qaramay, yangi Chevrolet Cobalt (Optimum AT komplektatsiyasidagi) hozirda Qozog‘istonda 7,3 million tengega ($13,5 ming) sotilmoqda.
Bundan oldin Qozog‘istonda Cobalt avtomobili «Komfort» tarifidan chiqarilgandi.
