Davlat tomonidan ehtiyojmand oilalardagi xotin-qizlar uchun 2025-yilgi qabulda to‘rt mingta qo‘shimcha grant asosidagi kvota ajratildi. Bu haqda Oila va xotin-qizlar qo‘mitasi ma’lum qildi.
Yo‘nalishlar bo‘yicha eng ko‘p kvota tibbiyot fanlariga (1 046 ta), aniq va tabiiy fanlarga (806 ta) hamda boshqa yo‘nalishlarga (1 987 ta) to‘g‘ri keldi.
| Yo‘nalish | Ajratilgan kvota soni |
|---|---|
| Aniq va tabiiy fanlar | 806 ta |
| Texnika fanlari | 161 ta |
| Tibbiyot fanlari | 1 046 ta |
| Boshqa yo‘nalishlar | 1 987 ta |
| Jami | 4 000 ta |
Hududlar kesimida esa eng ko‘p kvota Farg‘ona (529), Samarqand (508) va Namangan (382) viloyatlariga ajratildi. Eng kam kvota Toshkent shahri (88 ta) hissasiga to‘g‘ri keldi.
| Hudud | Ajratilgan kvota soni |
|---|---|
| Qoraqalpog‘iston Respublikasi | 284 ta |
| Andijon viloyati | 312 ta |
| Buxoro viloyati | 180 ta |
| Jizzax viloyati | 233 ta |
| Qashqadaryo viloyati | 337 ta |
| Navoiy viloyati | 196 ta |
| Namangan viloyati | 382 ta |
| Samarqand viloyati | 508 ta |
| Surxondaryo viloyati | 318 ta |
| Sirdaryo viloyati | 140 ta |
| Toshkent viloyati | 218 ta |
| Farg‘ona viloyati | 529 ta |
| Xorazm viloyati | 275 ta |
| Toshkent shahri | 88 ta |
| Jami | 4 000 ta |
Mazkur tavsiyanomaga ega bo‘lgan xotin-qizlar doimiy yashash hududi va tanlagan sohasi bo‘yicha ajratilgan kvota doirasida tanlovda ishtirok etadi. Bu kvotalar faqat kunduzgi ta’lim shaklida, birinchi oliy ta’lim uchun amal qiladi.
Eslatib o‘tamiz, avvalroq ayrim oilalarga 1 mln so‘mdan bir martalik moddiy yordam berilishi haqida yozgan edik.
