Samarqand va Andijonda chiqindidan elektr ishlab chiqaruvchi zavodlar qurilishi boshlandi

eʼlon qilindi
Ishlab chiqarilgan elektr 30 yil davomida «O‘zenergosotish» AJga sotiladi
Samarqand va Andijonda chiqindidan elektr ishlab chiqaruvchi zavodlar qurilishi boshlandi / Foto: Ekologiya vazirligi

Samarqand va Andijon viloyatlarida maishiy chiqindilarni yoqish orqali elektr energiyasi ishlab chiqariladigan zamonaviy zavodlar qurilishiga start berildi. Bu haqda Ekologiya vazirligi ma’lum qildi.

Loyihalar «Shanghai SUS Environment» va «China International Camce» kompaniyalari tomonidan amalga oshirilmoqda.

Foto: Ekologiya vazirligi

Har bir zavod kuniga 1,5 ming tonna chiqindini qayta ishlash quvvatiga ega bo‘lib, yiliga 240 mln kVt/soat elektr energiyasi ishlab chiqaradi. Ikkala loyiha ham 150 dan ortiq yangi ish o‘rinlarini yaratadi.

Foto: Ekologiya vazirligi

Mazkur tashabbus pezidentning chiqindilarni energiyaga aylantirish bo‘yicha qabul qilgan qarorlari asosida boshlangan bo‘lib, «yashil iqtisodiyot» tamoyillariga mos tarzda amalga oshirilmoqda. Loyihalar 2025 – 2027-yillarda ishga tushirilishi rejalashtirilgan. Kompaniyalar ishlab chiqargan elektr energiyasini 30 yil davomida «O‘zenergosotish» AJga sotadi.

Eslatib o‘tamiz, avvalroq chiqindi bilan bog‘liq eng ko‘p huquqbuzarlik Namanganda aniqlangan edi.

Shuningdek