Talabalar yotoqxonasiga ustuvorlik asosida qabul qilinadigan toifalar belgilandi

O‘zbekiston qonunchiligiga muvofiq, ayrim ijtimoiy himoyaga muhtoj yoki alohida yutuqlarga erishgan talabalar turarjoylariga ustuvorlik asosida joylashtiriladi.

Hujjatga ko‘ra, quyidagi toifadagi talabalar yotoqxonalarga birinchi navbatda qabul qilinadi:

• Mehribonlik uyi tarbiyalanuvchilari, yetimlar hamda ota-onasining g‘amxo‘rligidan mahrum bo‘lgan talabalar;
• Ijtimoiy himoya yagona reyestri, «temir daftar», «ayollar daftari» va «yoshlar daftari»ga kiritilgan oilalar farzandlari;
• I va II guruh nogironligi bo‘lgan talabalar;
• Bir oiladan ikki yoki undan ortiq shartnoma asosida o‘qiyotgan kunduzgi bo‘lim talabalari;
• Xalqaro va respublika fan olimpiadalari g‘oliblari;
• «Yil talabasi» va «Talabalar teatr studiyalari» ko‘rik-tanlovlarining respublika bosqichi g‘oliblari;
• «Zakovat» intellektual o‘yini respublika bosqichi g‘oliblari;
• Yotoqxonada qavat sardori yoki talabalar kengashi raisi sifatida faoliyat yuritayotgan talabalar.

Eslatib o‘tamiz, 1-avgustdan Oliy ta’lim muassasalari talabalariga mo‘ljallangan turarjoylarga joylashish bo‘yicha arizalarni qabul qilish boshlandi.