Mashhur benchmark platformasi AnTuTu 2025-yilning iyul oyiga oid eng yuqori foydalanuvchi mamnunligiga ega smartfonlar reytingini e’lon qildi. Unda Huawei Mate 70 Pro+ yetakchilik qilmoqda.
- Huawei Mate 70 Pro+
Reytingning birinchi o‘rnida Huawei Mate 70 Pro+ joy oldi. Ushbu flagman modeli foydalanuvchilarning 98,95% tomonidan yuqori baholangan. Bu telefon texnologiya, dizayn va kameraning ideal uyg‘unligini taqdim etadi. Huawei’ning HarmonyOS tizimi va kuchli xavfsizlik darajasi ham bu natijaga hissa qo‘shgan.
- Honor Magic 6 Ultimate Edition
Ikkinchi o‘rinda joylashgan Honor Magic 6 Ultimate Edition foydalanuvchilarning 97,39% tomonidan ma’qullangan. U premium sinfdagi materiallar, kuchli AI funksiyalar va yuqori darajadagi kamerasi bilan mashhur.
- Huawei Mate 70 Pro Premium Edition
Uchinchi pog‘onada yana bir Huawei flagmani — Mate 70 Pro Premium Edition turibdi. Bu model foydalanuvchilarning 97,27% tomonidan ijobiy baholangan. Uning yuqori darajadagi ishlash tezligi va batareya samaradorligi ajralib turadi.
- Xiaomi 15S Pro
Xiaomi o‘zining yangi Xiaomi 15S Pro modeli bilan to‘rtinchi o‘rinni egalladi. Uning eng asosiy afzalligi — Xiaomi ishlab chiqqan maxsus XRING O1 chipidir. Foydalanuvchilarning 97,11% bu modeldan mamnun.
- Xiaomi 15 Ultra
Beshinchi o‘rinda esa Xiaomi 15 Ultra turibdi. 96,28% foydalanuvchi bu qurilmadan mamnun. Kuchli kamera tizimi, yuqori tezlik va chidamli batareya bu smartfonning asosiy ustunliklaridir.
| O‘rin | Model | Foydalanuvchi mamnunligi (%) |
|---|---|---|
| 1 | Huawei Mate 70 Pro+ | 98.87% |
| 2 | Honor Magic 6 Ultimate Edition | 97.39% |
| 3 | Huawei Mate 70 Pro Premium | 97.27% |
| 4 | Xiaomi 15S Pro | 97.11% |
| 5 | Xiaomi 15 Ultra | 96.82% |
| 6 | OPPO Find X8 Ultra | 94.81% |
| 7 | Huawei Mate 70 Pro | 94.55% |
| 8 | Vivo X Fold3 Pro | 94.00% |
| 9 | OPPO Find X8s | 93.66% |
| 10 | Meizu 21 Pro | 93.33% |
Eslatib o‘tamiz, Kursiv Uzbekistan nashri narx va unumdorlik jihatdan eng yaxshi smartfonlar haqida yozgan edi.
