Jetta VS8 yo‘ltanlamasi 8-avgustdan Xitoyda sotuvga chiqadi
eʼlon qilindi
150 ot kuchiga ega turbo dvigatel bilan
FAW va Volkswagen kompaniyalari hamkorligida ishlab chiqarilgan Jetta VS8 krossoveri 8-avgustdan Xitoyda savdoga chiqariladi. Bu haqda AutoHome ma’lum qildi.
Avtomobil Skoda Karoq platformasiga asoslangan bo‘lib, uchta to‘plamda taklif etiladi: All-Round, Smart va Supreme Edition.
Yangi model ramkasiz panjara, qoraytirilgan chiroqlar va klassik tutqichlarga ega. Uzunligi 4629 mm, g‘ildirak bazasi esa 2731 mm. VS8 17 va 18 dyuymli disklar bilan taqdim etiladi.
Kapoti ostida 1.4 litrli, 150 ot kuchiga ega turbo dvigatel va 6 pog‘onali avtomat uzatmalar qutisi joylashgan.
Eslatib o‘tamiz, avvalroq Chevrolet Silverado bitta zaryad bilan 1705 km bosib, rekord o‘rnatgani haqida yozgan edik.
