Amerikalik qo‘shiqchi Jennifer Lopez O‘zbekistonga yetib keldi. Bu haqda «Novosti Tashkentskogo Neba» Telegram kanali xabar berdi.
Lopez bo‘lgan samolyot 6-avgust kuni kechqurun Toshkent aeroportiga qo‘ndi, u Istanbuldan uchib kelgan.
7-avgust kuni kechqurun Jennifer Lopez poytaxtdagi «Milliy» stadionida konsert beradi. Chiptalarni hali ham rasmiy sotuvchi – iTicket platformasi orqali xarid qilish mumkin. Konsertga kirish narxi 800 ming so‘mdan boshlanadi. Tribunalardagi eng arzon chiptalar esa 1,6 million so‘mga sotilmoqda.
1-avgust kuni xonanda Ostona shahrida ham konsert bergan. Shahar hokimligi ma’lumotlariga ko‘ra, tadbirga 25 mingga yaqin tomoshabin yig‘ilgan. O‘zbekistondagi chiqishdan so‘ng qo‘shiqchi yana Qozog‘istonga boradi va 10-avgust kuni Olmaotada konsert beradi.
Oldin O‘zbekiston estradasi vakili Munisa Rizayeva qo‘shiqchini Toshkentdagi konserti doirasida birga sahnaga chiqishni taklif etgandi.
6-avgust kuni esa xonandaning musiqachilar, qo‘riqchilar, raqqosalar va logistika a’zolaridan iborat jamoasi Toshkentga keldi.
