Nubia kompaniyasi Red Magic 10S Pro Fighting Buddha Collector’s Edition modelini taqdim etdi. Bu haqda Gizmochina nashri ma’lum qildi.
Qurilma $1099 narxda GeekWills’da oldindan buyurtmaga ochildi, yetkazib berish sentabr boshida boshlanadi.
Eng yuqori darajadagi unumdorlik
Smartfon Snapdragon 8 Elite Leading Version chipseti (soat chastotasi 4,32 GHz) va Adreno 830 GPU bilan ishlaydi. 12 GB LPDDR5X tezkor xotira hamda 512 GB UFS 4.0 Pro doimiy xotira esa og‘ir o‘yinlarda ham silliq ishlashni ta’minlaydi. Qurilma Red Magic OS 10.5 tizimida ishlaydi, unda ko‘plab o‘yinlarga optimallashtirish funksiyalari mavjud.
O‘yinlar uchun mo‘ljallangan ekran
6,85 dyuymli AMOLED displey 1,5K o‘lchamda, 144 Hz yangilanish tezligi va 960 Hz sensor javob tezligiga ega. Ekran 10-bit rang, DCI-P3 qamrovi va 2000 nit yorqinlikni qo‘llab-quvvatlaydi. Ko‘z charchoqlarini kamaytirish uchun 2592 Hz PWM va DC dimming texnologiyalari ishlatiladi.
Kengaytirilgan sovitish tizimi
Qurilma ICE 13.5 Liquid-Cooling System bilan jihozlangan: 10 qatlamli sovitish, 10182 mm² bug‘ kamerasi, 22000 RPM turbofan va maxsus issiqlik gelidan foydalaniladi. Bu uzoq davom etuvchi o‘yinlarda ham barqaror ishlashga yordam beradi.
Kameralar
Asosiy modul – 50 MP Samsung GN5. Ultra-keng modul – 50 MP Samsung JN1 hamda 2 MP makro kamera. Old tomonda esa notch yoki teshiksiz, ekranning ostiga joylashtirilgan 16 MP kamera bor.
Katta batareya va tezkor zaryad
7050 mAh batareya 80 Vt quvvat bilan atigi 35 daqiqada to‘liq zaryadlanadi. Bu mobil o‘yinchilar uchun juda qulay.
Gaming imkoniyatlari
Qurilmada 520 Hz sensorli yelkama tugmalar, alohida IC boshqaruvi, maxsus 90 Hz gaming rejimi va ultra past kechikishli (48 ms) audio mavjud.
Aloqa va ovoz
Ikki tomonlama stereo dinamiklar, Snapdragon Sound texnologiyasi, Wi-Fi 7, Bluetooth 5.4 va global 5G diapazonlarini qo‘llab-quvvatlaydi.
Maxsus nashr dizayni
Interfeysda Fighting Buddha mavzusidagi fon rasmlar, ikonalar, animatsiyalar va qo‘ng‘iroq ohanglari o‘rnatilgan.
Avvalroq Kursiv Uzbekistan Red Magic kompaniyasi 10 Air Flame Orange smartfonini taqdim etgani haqida xabar bergan edi.
