2025/2026-o‘quv yili uchun kasbiy ta’lim tashkilotlariga abituriyentlar my.edu.uz platformasi orqali 10-sentabrgacha hujjat topshirishi mumkin. Bu haqda Oliy ta’lim, fan va innovatsiyalar vazirligi ma’lum qildi.
Qabul boshlang‘ich o‘rta va o‘rta maxsus kasbiy ta’lim dasturlari bo‘yicha kunduzgi, kechki va dual shakllarda amalga oshiriladi.
Tibbiyot texnikumlari uchun ro‘yxatdan o‘tish oliy ta’lim natijalari e’lon qilinganidan keyin 10 kun davom etadi, boshqa texnikumlarda esa kirish imtihonlari yozma tarzda o‘tkaziladi.
| Ta’lim turi | O‘rinlar soni |
|---|---|
| Kunduzgi | 102 194 |
| Kechki | 2 250 |
| Dual ta’lim | 38 670 |
| Jami | 143 114 |
Jami 549 ta texnikumga 143 114 o‘rin (66 484 tasi davlat granti) ajratilgan. Shundan: kunduzgi – 102 194 o‘rin, kechki – 2 250 o‘rin, dual ta’lim – 38 670 o‘rin.
Eslatib o‘tamiz, avvalroq rad etilgan magistratura arizalarini qayta tahrirlash imkoniyati berilgan edi.
