Renault’ning Xitoydagi R&D bo‘linmasi Geely GEA platformasida yangi elektromobil va gibrid modellari ustida ishlamoqda. Bu haqda CarNewsChina xabar bermoqda.
Ular Janubi-Sharqiy Osiyo va Lotin Amerikasi bozorlariga mo‘ljallanadi. Kuzov Renault tomonidan yaratiladi, ammo shassi va asosiy konstruktsiya Geely Galaxy modellari asosida bo‘ladi. Bu xarajatlarni kamaytirib, ishlab chiqarishni tezlashtiradi.
GEA platformasi Galaxy Monjaro, A7, E5 hamda ishlab chiqilayotgan M9 va Starship 9 modellarda qo‘llanilgan. Geely yangi hududlarga chiqishni, Renault esa Janubi-Sharqiy Osiyo, Lotin Amerikasi va Shimoliy Afrikada pozitsiyasini mustahkamlashni rejalashtirmoqda.
Hamkorlik 2021-yilda boshlangan, 2025-yil boshida Geely Renault Brazil’ning kichik ulushini sotib oldi. Bu orqali u Galaxy E5 eksport versiyasini ishlab chiqarib, sotishi mumkin bo‘ladi.
Eslatib o‘tamiz, Kursiv Uzbekistan nashri Chevrolet Cobalt narxidagi Geely Galaxy A7 avtomobilining savdosi boshlangani haqida yozgan edi.
