Changan kompaniyasi 2026 Deepal L07 modelini Xitoy bozoriga taqdim etdi. Bu haqda CarNewsChina xabar bermoqda.
U Huawei’ning Qiankun ADS 4.0 SE tizimi o‘rnatilgan eng arzon avtomobilga aylandi. Model BEV (Battery Electric Vehicle — faqat akkumulyator batareyadan quvvat oladigan toza elektromobil. Unda ichki yonuv dvigateli bo‘lmaydi. Zaryad faqat elektr tarmog‘idan yoki tezkor zaryadlash stansiyalaridan olinadi.) va EREV (Extended-Range Electric Vehicle kengaytirilgan yurish masofasiga ega gibrid elektromobil. Asosiy harakat elektr motor bilan bo‘ladi, ammo ichki yonuv dvigateli generator sifatida ishlaydi. U g‘ildiraklarni emas, balki batareyani zaryadlaydi va masofani oshiradi.) talqinlarida taklif etiladi, kuchliroq elektromotor va yangilangan Qualcomm Snapdragon 8295P chipiga ega.
Narxlar komlektatsiyaga qarab farq qiladi:
| Model | Narxi (yuan) | Narxi (USD) |
|---|---|---|
| 550 Max BEV | 145 900 | $20 300 |
| 550 Ultra BEV | 155 900 | $21 700 |
| 660 Max BEV | 155 900 | $21 700 |
| 660 Ultra BEV | 165 900 | $23 100 |
| 240 Max EREV | 145 900 | $20 300 |
| 240 Ultra EREV | 155 900 | $21 700 |
Tashqi ko‘rinish 2025-yilgi modelga o‘xshash — 0,215 Cd aerodinamik koeffitsient, o‘tkir old faralar, romsiz eshiklar, yashirin tutqichlar, avtomatik orqa spoiler va uzunligi 1,2 metr bo‘lgan LED «Super Red» orqa chiroq o‘rnatilgan.
O‘rta o‘lchamli sedan o‘lchamlari: 4875×1890×1480 mm. G‘ildirak bazasi 2900 mmni tashkil etadi. Bagaj hajmi 473 litr, maksimal holatda 1180 litrni tashkil qiladi.
Eslatib o‘tamiz, Kursiv Uzbekistan nashri Changan Uni-Z 2025 taqdim etilgani haqida yozgan edi.
