Toshkent – Moskva reyslari vaqti yana o‘zgardi

Uzbekistan Airways 14-avgust kungi Toshkent – Moskva (Domodedovo va Vnukovo yo‘nalishlaridagi) reyslar vaqti o‘zgarganini ma’lum qildi. Bunga havo kemasining kechikib kelishi sabab bo‘lgan.

Unga ko‘ra, HY601/602 Toshkent – Moskva (Domodedovo) – Toshkent yo‘nalishida quyidagi yangilangan jadval asosida amalga oshiriladi:

• Toshkentdan uchish: 21:15;
• Moskvaga yetib borish: 23:20;
• Moskvadan uchish: 00:40;
• Toshkentga yetib kelish: 06:20.

HY613/614 Toshkent – Moskva (Vnukovo) – Toshkent yo‘nalishida:

• Toshkentdan uchish: 19:00;
• Moskvaga yetib borish: 21:20;
• Moskvadan uchish: 22:30;
• Toshkentga yetib kelish: 04:25.

Barcha vaqtlar mahalliy vaqt bo‘yicha ko‘rsatilgan.

13-avgust kuni ham aviakompaniya havo kemasining kechikib yetib kelishi sababli aynan shu yo‘nalishidagi reyslarining uchish vaqtini surgandi.

Bundan avval 14-avgustdagi Toshkent – Riga reyslari vaqti o‘zgargani haqida yozgandik. Bunga ham havo kemasining kechikib yetib kelishi sabab bo‘lgan.