Samsung kompaniyasi har bir ehtiyoj uchun model taklif qiladi. Kuchli kamera tortib, o‘yin, uzoq quvvat yoki buklanadigan dizayngacha har xil modellarni topsa bo‘ladi. Ushbu maqolada eng yaxshi Samsung smartfonlari haqida so‘z boradi.
Galaxy S25 Ultra
Ushbu smartfonda flagman darajasi to‘la his qilinadi. U Snapdragon 8 Elite bilan jihozlanib, tezkor ishlash qulayligini taqdim etadi. Modeldagi 12 GB operativ xotira ishlatish uchun yetarli. Qurilmaning kamera tizimi kuchli va moslashuvchan. Batareya va quvvatlash ham ideal tarzda ishlaydi. Obyektiv atrofida kir to‘planishi mumkin. U eng talabchan foydalanuvchi uchun mos.
Texnik xususiyatlari
Smartfon 6,9 dyuymli Dynamic AMOLED 2X displey bilan jihozlangan bo‘lib, yuqori yorqinlik va 120 Hz yangilanish tezligini ta’minlaydi. Qurilmaning old va orqa tomonida Gorilla Glass Armor 2 himoyasi mavjud.
Telefon Snapdragon 8 Elite protsessori asosida ishlaydi. U tezkor ishlash, kuchli grafika va Galaxy AI funksiyalarini samarali qo‘llab-quvvatlaydi. Xotira hajmi 12 yoki 16 GB RAM, saqlash joyi esa 256 GB dan 1 TB gacha bo‘lishi mumkin.
Asosiy kamera tizimi to‘rtta moduldan iborat: 200 MP asosiy sensor, 50 MP ultrakeng burchakli obyektiv, 50 MP periskop linza (5× zoom) va 10 MP telefoto kamera (3× zoom). Old kamera esa 12 MP. Kamera tizimi ProVisual Engine orqali yanada kuchli ishlaydi.
Batareya sig‘imi 5000 mAh bo‘lib, 45 Vt tezkor zaryadlashni qo‘llab-quvvatlaydi. Bundan tashqari, simsiz Qi2 zaryadlash imkoniyati ham mavjud. Qurilmaning korpusi titandan yasalgan, o‘lchami 162.8×77.6×8.2 mm va og‘irligi 218 grammdan iborat.
Samsung Galaxy S25 Plus
Ushbu modelda narx va imkoniyat muvozanatda bo‘lib, foydalanish zavqini beradi. Displey yorqin va aniq. Modelda tezkor ishlash va yaxshi avtonomiya bor. Smartfonning kameralari kuchli bo‘lib, yetti yil yangilanadi.
Modelning texnik xususiyatlari
Samsung Galaxy S25 Plus Samsung kompaniyasining 2025-yildagi flagman smartfonlaridan biri hisoblanadi. Qurilma 6,7 dyuymli Dynamic AMOLED 2X displey bilan jihozlangan bo‘lib, yuqori ravshanlik, 120 Hz yangilanish tezligi va HDR10+ qo‘llab-quvvatlashi bilan ajralib turadi. Displey 2600 nitgacha yorqinlikka ega va Gorilla Glass Victus 2 bilan himoyalangan.
Smartfon kuchli Snapdragon 8 Elite protsessori asosida ishlaydi. U sun’iy intellekt imkoniyatlarini kengaytirgan va yuqori unumdorlikni ta’minlaydi. Qurilma 12 GB tezkor xotira bilan birga 256 yoki 512 GB saqlash hajmida taqdim etiladi.
Kamera tizimi uchta asosiy moduldan iborat: 50 megapikselli asosiy sensor, 12 megapikselli ultrakeng burchakli kamera va 10 megapikselli telefoto linza 3x optik zoom bilan. Old kamera 12 megapikselli bo‘lib, yuqori sifatli selfi va videoqo‘ng‘iroqlar uchun mo‘ljallangan.
Galaxy S25 Plus 4900 mAh sig‘imli batareyaga ega. Qurilma 45 Vt tezkor zaryadlash, 15 Vt simsiz va teskari simsiz zaryadlashni qo‘llab-quvvatlaydi. Korpus o‘lchamlari 158,4×75,8×7,3 millimetr, og‘irligi esa taxminan 190 grammni tashkil etadi. Aluminiy ramka va Gorilla Glass himoyasi bilan mustahkamlangan, shuningdek, IP68 sertifikati tufayli suv va changdan himoyalangan.
Smartfon Android 15 operatsion tizimi va One UI 7 interfeysi asosida ishlaydi. Galaxy AI funksiyalari matn yozishda yordamchi, surat va ovoz tahriri kabi ko‘plab yangi imkoniyatlarni taqdim etadi. Qurilmada Wi-Fi 7, Bluetooth 5.4, NFC va UWB kabi zamonaviy ulanish standartlari mavjud. Ekran ichiga joylashtirilgan ultratovush barmoq izi skaneri ham qo‘llab-quvvatlanadi.
Galaxy S25 Edge
Juda ingichka va yengil korpusga ega model. Uning qalinligi 5,8 mm atrofida. Snapdragon 8 Elite bilan ishlash tez. 3900 mA·soat batareya bir kunga yetadi. 200 MP asosiy kamera sifatli rasm olishga yordam beradi.
Texnik xususiyatlar
Samsung Galaxy S25 Edge seriyaning noodatiy modeli bo‘lib, yon tomoni egilgan displeyi bilan ajralib turadi. Qurilmada 6,8 dyuymli Dynamic AMOLED 2X panel ishlatilgan bo‘lib, 120 Hz yangilanish tezligi, HDR10+ va 2600 nitgacha yorqinlikni taqdim etadi. Displey Gorilla Glass Victus 2 bilan himoyalangan va yanada ingichka ramkalar bilan jihozlangan.
Smartfon Snapdragon 8 Elite protsessori asosida ishlaydi. U sun’iy intellektga asoslangan Galaxy AI funksiyalari bilan kuchaytirilgan bo‘lib, yuqori tezlikda ishlashni ta’minlaydi. Qurilma 12 GB tezkor xotira bilan birga 256 yoki 512 GB ichki xotira hajmida sotuvga chiqariladi.
Kamera tizimi flagman darajasida: 200 megapikselli asosiy modul, 12 megapikselli ultrakeng kamera va 10 megapikselli telefoto sensor 3x optik zoom imkoniyati bilan. Old kamera 12 megapikselli bo‘lib, yuqori sifatli selfi va videoqo‘ng‘iroqlarni taqdim etadi.
Galaxy S25 Edge 5000 mAh sig‘imli batareya bilan ta’minlangan. Qurilma 65 Vt tezkor zaryadlash, 15 Vt simsiz va teskari simsiz quvvatlashni qo‘llab-quvvatlaydi. Korpus metall ramka va Gorilla Glass himoyasiga ega, IP68 sertifikati tufayli suv va changdan himoyalangan.
Samsung Galaxy S25
Eng ixcham Android flagmanlardan biri. Og‘irligi 162 grammdan past. 6,2 dyuymli ekran qulay boshqariladi. Snapdragon 8 Elite barcha bozorlarda bor. 12 GB operativ xotira SI vazifalari uchun foydali. 4000 mA·soat batareya bir kunga yetadi. Tez quvvatlash raqiblardan pastroq. Kichik, lekin kuchli telefon izlaganlar uchun.
Samsung Galaxy Z Fold 7
Bukiladigan smartfonlar segmentda yetakchi modellardan biri. Korpusi yengil va ingichka bo‘lib, ichki ekrani 8 dyuymni tashkil qiladi. U 120 Hzga ega. Tashqi ekran 6,5 dyuymga ega. Snapdragon 8 Elite optimallashtirilgan. Ko‘p vazifa va ish unumdorligi yuqori. Batareya va quvvatlash o‘rtacha. Narxi balandroq, lekin imkoniyati keng.
Eslatib o‘tamiz, Kursiv uzbekistan nashri 2025-yilning eng yaxshi smartfonlari haqida yozgan edi.
