Infinix kompaniyasi o‘zining yangi flagman modeli Hot 60 Pro+ bilan Ginnesning jahon rekordini o‘rnatdi. Qurilma eng yupqa egri 3D displeyli smartfon sifatida sertifikatlandi.
Rekord qanday tasdiqlandi?
O‘lchovlar akkreditatsiyadan o‘tgan ILAC laboratoriyasi tomonidan lazer texnologiyasi yordamida bir nechta nuqtada amalga oshirildi. Natijalar rekordni rasman tasdiqladi va Infinix’ning tarixiy yutug‘ini hujjatlashtirdi.
Texnik imkoniyatlar
Hot 60 Pro+ MediaTek Helio G200 protsessorida ishlaydi. U 6,78 dyuymli egri AMOLED displey bilan jihozlangan bo‘lib, 1224p aniqlik va 144 Hz yangilanish tezligini taqdim etadi. Qurilma 50 megapikselli asosiy kamera, displey ichiga joylashtirilgan barmoq izi skaneri hamda IP65 standarti bo‘yicha chang va suvdan himoya tizimiga ega.
Batareya va ergonomika
Smartfonning og‘irligi bor-yo‘g‘i 155 gramm. Unga 5160 mA/soat sig‘imli akkumulyator o‘rnatilgan bo‘lib, 45 vatt tezkor zaryadlash va 10 vatt teskari quvvat berish funksiyalarini qo‘llab-quvvatlaydi.
Raqobatchi bilan taqqoslash
Qalinlik bo‘yicha Galaxy S25 Edge biroz ustun uning korpusi 5,8 mm. Biroq unda batareya sig‘imi ancha kichik — 3900 mA/soat, og‘irligi esa 163,8 grammni tashkil etadi. Shu jihatdan Infinix Hot 60 Pro+ yanada yengil va uzoqroq ishlash imkonini beradi.
Eslatib o‘tamiz, Kursiv Uzbekistan Infinix Hot 60 5G taqdim etilgani haqida yozgan edi.
