Jetour tomonidan Chendu avtosalonida Jetour G700 avtomobili namoyish qildi. Bu haqda Autohome xabar bermoqda.
Model ertaga rasman taqdim etiladi va narxlar ham e’lon qilinishi kutilmoqda, biroq asosiy texnik ko‘rsatkichlari allaqachon taqdim etilgan.
Jetour G700 5198×2050×1956 mm o‘lcham va 2870 mm g‘ildirak bazasiga ega. U ko‘rinishi jihatidan BYD Leopard 5’ga o‘xshaydi, hajmi esa Land Cruiser 300’dan ham katta. Salon 5 yoki 6 o‘rindiqli bo‘lishi mumkin.
Mashina 2,0 litrli dvigatel asosidagi gibrid kuch qurilmasi bilan jihozlangan. Umumiy quvvati 761 ot kuchi, yo‘l zaxirasi esa 1400 km’dan ortiq. Avtomobil to‘liq uzatmaga ega bo‘lib, uchta blokirovkani o‘z ichiga oladi.
Qiziq jihati shundaki, Jetour G700 ramali emas, balki nesuvchi kuzovli. Bunday yondashuvni ko‘plab ishlab chiqaruvchilar tanlamoqda. Masalan, Land Rover va hatto Toyota ham shu yo‘ldan borishi aytilmoqda. Jetour esa bu borada o‘zini zamonaviy trendga moslashtirganini ko‘rsatmoqda.
Eslatib o‘tamiz, Kursiv Uzbekistan 16 ming dollarlik Chery Jetour Shanhai L7 Plus taqdim etilgani haqida yozgan edi.
