Navoiy aeroporti Mo‘g‘uliston yuk aviakompaniyasining ilk reysini qabul qildi
27-avgust kuni Navoiy xalqaro aeroporti MIAT Mongolian Airlines Cargo aviakompaniyasining birinchi reysini qabul qildi. Bu haqda Uzbekistan Airports xabar berdi.
Samolyot orqali Mo‘g‘ulistondan O‘zbekistonga umumiy og‘irligi 26,8 tonna bo‘lgan nasldor qo‘ylar olib kelindi.
Yil oxirigacha MIAT Cargo 106 ta reys amalga oshirishi rejalashtirilgan. Ular orqali Mo‘g‘ulistondan tirik hayvonlar, O‘zbekistondan esa qishloq xo‘jaligi mahsulotlari tashiladi.
Bundan avval Mo‘g‘uliston ming bosh «Bayad» zotli qo‘y aviatransport orqali O‘zbekistonga olib kelinib, ular Navoiy viloyatida ko‘paytirilishi rejalashtirilgandi.
Rejaga ko‘ra, 2025-yil oxirigacha jami 100 ming bosh qo‘y respublikaga olib kelinadi:
- oktabr oyining oxirigacha 60 ta reys orqali 50 ming bosh;
- noyabr-dekabr oylarida esa yana 50 ming bosh.
Mo‘g‘uliston bosh vaziri o‘rinbosari bilan erishilgan kelishuvga ko‘ra, qo‘y va echkilarni eksport qilishda davlat boji $18 dan $7 gacha kamaytirildi.
