Samsung yangi Samsung Galaxy A17 5G smartfonini namoyish qildi. Model Galaxy A07’dan yuqori turadi va yaxshilangan imkoniyatlar bilan ajralib turadi.
Yangi qurilma 6,7 dyuymli Super AMOLED displey bilan jihozlangan bo‘lib, FHD+ aniqlik, 90 Hz yangilanish chastotasi va Corning Gorilla Glass Victus himoya oynasini taklif etadi. Old kamerasi 13 MP. Asosiy kamerasi uch moduldan iborat. 50 MP asosiy, 5 MP ultra keng burchak va 2 MP makro modulga ega.
Smartfon 5000 mA/soat sig‘imli batareya va 25 Vt tezkor zaryadlash imkoniyatiga ega. Qurilma Android 15 asosidagi OneUI 7 tizimida ishlaydi.
Samsung unga 6 yil davomida Android va xavfsizlik yangilanishlarini taqdim etishini va’da qilmoqda.
Qo‘shimcha jihatlari IP54 chang va namlikdan himoya, Gemini Live, Circle to Search funksiyalari, NFC, Bluetooth 5.3 hamda barmoq izi skaneridan iborat.
Galaxy A17 5G narxi $215 dan boshlanadi.
Eslatib o‘tamiz, Kursv Uzbekistan nashri Samsung Galaxy S26 flagmanlari avvalgilardan ham yupqaroq bo‘lishi haqida yozgan edi.
