«Brayton» «Manchester Siti»ni mag‘lub etdi, Abduqodir Husanov asosiy tarkibda maydonga tushdi
31-avgust kuni «Amex» stadionida bo‘lib o‘tgan uchrashuvda «Brayton» 2:1 hisobida «Manchester Siti» ustidan irodali g‘alaba qozondi. Bu haqda NBC Sport nashri ma’lum qildi.
Uchrashuvning 34-daqiqasida Erling Holand hisobni ochdi. Ikkinchi bo‘limda esa «Brayton» tashabbusni o‘z qo‘liga olib, Jeyms Milner 67-daqiqada penalti orqali hisobni tenglashtirdi. 89-daqiqada zaxiradan maydonga tushgan Brajan Gruda g‘alaba to‘pini urdi.
O‘zbekistonlik himoyachi Abduqodir Xusanov «Manchester Siti» safida asosiy tarkibda maydonga tushib, to‘liq o‘yin o‘tkazdi. U bir necha xavfli hujumlarni to‘xtatishda faol ishtirok etdi, biroq ikkinchi bo‘limda «Brayton» tezkor hujumlarda ustunlikni qo‘lga oldi.
Natijada «Brayton» uch o‘yindan so‘ng 4 ochko jamg‘ardi, «Manchester Siti» esa 3 ochko bilan qolib, mavsum startida ketma-ket ikkinchi mag‘lubiyatini qayd etdi.
Keyingi turda «Brayton» 13-sentabr kuni safarda «Bornmut»ga qarshi maydonga tushadi, «Manchester Siti» esa 14-sentabr kuni derbida «Manchester Yunayted»ni qabul qiladi.
Eslatib o‘tamiz, avvalroq «Manchester Siti» bosh murabbiyi Gvardiola «Palermo» bilan o‘rtoqlik uchrashuvidan so‘ng markaziy himoyachi Abduqodir Husаnov haqida fikr bildirgan edi.
