Qishloq xo‘jaligi vazirligi paxta terimi narxlari bo‘yicha bayonot berdi
eʼlon qilindi
Vazirlik joriy yilgi tavsiyaviy narxlar bilan bo‘lishdi
Qishloq xo‘jaligi vazirligi ijtimoiy tarmoqlarda tarqalgan «paxta terimi uchun 1 kg – 1 800 so‘m» haqidagi xabarni rad etdi. Bu haqda vazirlik rasmiy sahifasida ma’lum qilindi.
Rasmiy ma’lumotga ko‘ra, joriy yilda:
- mashina yordamida terilgan paxtaning 1 kg uchun 1 373 so‘m;
- qo‘l mehnati bilan terilgan paxtaning 1 kg uchun 2 000 so‘m tavsiyaviy narx belgilangan.
Bundan tashqari, davlat byudjeti hisobidan paxta yetishtiruvchilarga har 1 kg uchun 1 000 so‘m subsidiya ajratiladi.
Vazirlik axborotni faqat rasmiy manbalarga asoslanib olishga chaqirdi hamda noto‘g‘ri ma’lumot tarqatish qonuniy javobgarlikka sabab bo‘lishi mumkinligini eslatdi.
Eslatib o‘tamiz, avvalroq Surxondaryoda paxta yig‘im-terimi boshlangani haqida xabar bergan edik.
