21 200 mA/soat batareya va 120 Vt quvvatlashga ega Ulefone Armor 29 Pro smartfoni taqdim etildi. Bu haqda Gizmochina xabar bermoqda.
Qurilma ikkita versiyada chiqadi: oddiy va Thermal Version. Ikkinchisida 640×512 pikselli, 50 Hz chastotali va ±2 °S aniqlikka ega termovizor mavjud. Asosiy kamera 50 MP, tungi ko‘rish uchun esa 64 MP sensor ishlatiladi.
Smartfon MediaTek Dimensity 7400 protsessori, 16 GB tezkor va 512 GB doimiy xotira bilan jihozlangan. Armor 29 Pro‘da ikkita ekran bor. Asosiy 6,67 dyuymli AMOLED (Full HD+, 120 Hz, yorqinligi 2200 nit) va kamera blokida joylashgan 1,04 dyuymli qo‘shimcha AMOLED displeyga ega.
Batareya sig‘imi 21 200 mA·soatni tashkil etadi va 10 Vt teskari quvvatlash qo‘llab-quvvatlanadi. Qurilma IP68/IP69K himoya standartlari va MIL-STD-810H harbiy talablarga mos keladi. Qurilma Android 15 operatsion tizimida ishlaydi.
Wi-Fi 6E, NFC, 570 diodli kuchli fonar, dasturlashtiriladigan yon tugma, IR-uzatuvchi va naushniklar uchun 3,5 mm port mavjud. Modelning narxlari hozircha e’lon qilinmagan.
Eslatib o‘tamiz, Kursiv Uzbekistan Samsung Galaxy Z Fold7 smartfonida muammolar yuzaga kelgani haqida yozgan edi.
