Jerar Depardye jinsiy zo‘ravonlikda ayblanib sudga tortiladi

Fransuz kinosining mashhur aktyori Jerar Depardye 2018-yilda aktrisa Sharlotta Arnoudga nisbatan jinsiy tajovuz sodir etishda ayblanib, sud qilinadi. Bu haqda CNN agentligi ma’lum qildi.

Arnoudning aytishicha, voqealar Parijdagi aktyorning uyida ikki marta yuz bergan. 76 yoshli Depardye barcha ayblovlarni rad etmoqda. Ish dastlab yopilgan bo‘lsa-da, 2020-yilda qayta ochilgan va 2022-yilda prokuratura uni sudga oshirishni so‘ragan. Parij prokuraturasi sudya ishni ko‘rib chiqish uchun yuborganini tasdiqladi.

29 yoshli Arnoud sobiq balerina bo‘lib, teatr va ovoz aktyorligi bilan tanilgan. U shu yil may oyida sud zalida ishtirok etib, Depardye boshqa ikki ayolga nisbatan jinsiy tajovuz qilgani uchun 18 oy shartli qamoq jazosi olganiga guvoh bo‘lgan.

Arnoud hozirda Fransiyadagi #MeToo harakatining faol ishtirokchisiga aylangan bo‘lib, jinsiy zo‘ravonlik qurbonlarini qo‘llab-quvvatlash va kino sanoatida javobgarlik talab qilish bilan shug‘ullanmoqda.

Eslatib o‘tamiz, avvalroq Fransiya prezidenti va uning rafiqasi AQShda jurnalistga qarshi tuhmat bo‘yicha da’vo arizasi topshirgani haqida xabar bergan edik.