O‘zbekistonda oilaviy korxonalar soni 37,8 mingdan oshdi
Milliy statistika qo‘mitasi ma’lumotlariga ko‘ra, 2025-yil 1-avgust holatiga respublikada 37 816 ta oilaviy korxona faoliyat yuritmoqda. Bu ko‘rsatkich yil boshidan buyon 1 551 taga ko‘paygan.
Tarmoqlar kesimida eng katta ulush savdo sohasiga to‘g‘ri kelmoqda – 15 125 ta korxona yoki jami korxonalarning 40 foizi. Shuningdek, sanoatda 8 565 ta, yashash va ovqatlanish xizmatlari sohasida 7 244 ta, qishloq, o‘rmon va baliqchilik xo‘jaligida 2 596 ta oilaviy korxona faoliyat yuritmoqda.
| Soha | Korxonalar soni |
|---|---|
| Savdo sohasida | 15 125 ta |
| Sanoat sohasida | 8 565 ta |
| Yashash va ovqatlanish xizmatlari | 7 244 ta |
| Qishloq, o‘rmon va baliqchilik xo‘jaligi | 2 596 ta |
| Sog‘liqni saqlash va ijtimoiy xizmatlar | 652 ta |
| Tashish va saqlash | 339 ta |
| Qurilish | 299 ta |
| Axborot va aloqa | 244 ta |
| Boshqa sohalar | 2 752 ta |
| Jami | 37 816 ta |
Bundan tashqari, sog‘liqni saqlash va ijtimoiy xizmatlarda – 652 ta, tashish va saqlashda – 339 ta, qurilishda – 299 ta, axborot va aloqada – 244 ta hamda boshqa sohalarda 2 752 ta korxona mavjud.
Eslatib o‘tamiz, avvalroq barcha mahalliy mehmonxonalar va oilaviy mehmon uylari har bir turist uchun kuniga 62 ming so‘mgacha bo‘lgan turist yig‘imidan ozod etilishi haqida yozgan edik.
